Պատրաստվել Ալմաթիին

President Barack Obama talks with German Chancellor Angela Merkel and President Nicolas Sarkozy of France as as they walk with other G8 leaders to the family photo at the G8 Summit in Muskoka, Canada, June 25, 2010.  (Official White House Photo by Pete Souza)

2010 թվականին ԵԱՀԿ Մինսկի խմբի համանախագահ երկրների ղեկավարները Մուսկոկայում հանդես եկան համատեղ հայտարարությամբ, որտեղ վերահաստատեցին նախորդիվ Աքվիլայում արտահայտած իրենց դիրքորոշումը: Ստորև ներկայացնում ենք հայտարարության տեքստը:

***

Ռուսաստանյան Դաշնության նախագահ Դմիտրի Մեդվեդեվի, Ամերիկայի Միացյալ Նահանգների նախագահ Բարաք Օբամայի և Ֆրանսիայի նախագահ Նիկոլա Սարկոզիի համատեղ հայտարարությունը Լեռնային Ղարաբաղի հակամարտության վերաբերյալ

Մուսկոկա – 2010թ. հունիսի 26

 Մենք՝ ԵԱՀԿ Մինսկի խմբի համանախագահող երկրների՝ Ֆրանսիայի, Ռուսաստանի և ԱՄՆ նախագահներս, վերահաստատում ենք մեր հանձնառությունը աջակցել Հայաստանի և Ադրբեջանի ղեկավարներին` Լեռնային Ղարաբաղի հակամարտության խաղաղ կարգավորման Հիմնարար սկզբունքները վերջնականացնելիս։

Մենք որպես նշանակալի քայլ ողջունում ենք, որ երկու կողմերն էլ ճանաչում են, որ տևական կարգավորումը պետք է հիմնված լինի Հելսինկյան սկզբունքների վրա և այն տարրերի վրա, որոնք մենք առաջարկել ենք 2009թ. հուլիսի 10-ին Աքվիլայի գագաթաժողովում արած մեր հայտարարությանը կից, մասնավորապես՝ Լեռնային Ղարաբաղի հարակից զբաղեցված տարածքների վերադարձ, Լեռնային Ղարաբաղի անվտանգություն և ինքնիշխանություն երաշխավորող միջանկյալ կարգավիճակ, Հայաստանը Լեռնային Ղարաբաղին կապող միջանցք, հետագայում Լեռնային Ղարաբաղի վերջնական կարգավիճակի որոշում իրավական պարտադիր ուժ ունեցող կամարտահայտության միջոցով, բոլոր ներքին տեղահանվածների և փախստականների վերադարձի իրավունք, ինչպես նաև անվտանգության միջազգային երաշխիքներ՝ ներառյալ խաղաղապահ գործողություն:

Այժմ Հայաստանի և Ադրբեջանի նախագահները պետք է հաջորդ քայլն անեն և ավարտին հասցնեն Հիմնարար սկզբունքների շուրջ աշխատանքը, ինչը թույլ կտա սկսել խաղաղության համաձայնագրի մշակումը: Մենք հանձնարարում ենք մեր նախարարներին և համանախագահներին ինտենսիվորեն աջակցել երկու կողմերին՝ տարաձայնությունները հաղթահարելու և Ալմաթիում կայանալիք ԵԱՀԿ ոչ պաշտոնական նախարարականի շրջանակներում նախատեսված համատեղ հանդիպմանը նախապատրաստվելու համար։

Հայտարարության անգլերեն բնօրինակը Սպիտակ տան կայքում