Ռուսաստանը զարգացնում է իր նորարարական հնարավորությունները ժամանակակից պատերազմների վարման ոլորտում։ Ըստ որում Ռուսաստանի նախագահ Վլադիմիր Պուտինի նորագույն հրթիռային համակարգն առավելապես ուղված է ԱՄՆ-ի ուշադրությունը գրավելուն, այլ ոչ թե ռուսական միջուկային կարողությունները հզորացնելուն։
Նկատի ունեմ այն, որ չորեքշաբթի Ռուսաստանը գերձայնային զենքի ՝ «Ավանգարդի» հաջողված փորձարկում իրականացրեց։ «Ավանգարդը» գերձայնային մարտագլխիկով հրթիռային համակարգ է, որը նախատեսված է ամերիկան հակահրթիռային պաշտպանությունը շրջանցելու համար։ Հայտարարելով, որ այն ռուսական զինված ուժերի առաջապահ հատվածներում է տեղակայվելու՝ Պուտինը նշեց, որ ԱՄՆ-ի հակահրթիռային համակարգերն անզոր են այս զենքի առաջ։ Բանն այն է, որ «Ավանգարդը» հնարավորություն է տալիս իր միջուկային հատվածներին խուսափել ամերիկյան պաշտպանական/որսման միջոցներից։ Պուտինը վստահ է, որ այժմ Ռուսաստանը կարող է հավասարվել և նույնիսկ գերազնցել ԱՄՆ-ին՝ միջուկային լայնածվալ դիմակայության դեպքում։
Սակայն նա մասամբ է ճիշտ։ «Ավանգարդի» ստեղծման ծրագիրն իրապես մեծ տպավորություն կգործի, քանի որ այն գերազանցում է ամրիկյան գերձայնային համակարգերին։ Բայց թիրախավորման միջոցները, նյութատեխնիկական և կառավարման ապահովումն, ինչպես նաև Ռուսաստանի հարվածային հնարավորություններն էականորեն զիջում են ամերիկականին (չնայած նշանառության համակարգերը մշտապես կատարելագործվում են)։ Սա մեծապես պայմանավորված է նրանով, որ բալիստիկ հրթիռներով զինված ռուսական սուզանավերը բավական աղմկոտ են, ռուսական ռազմավարական ռմբակոծիչները՝ շատ հին, իսկ զինվորական անձնակազմի պրոֆեսիոնալիզմը՝ անկանխատեսելի։ Բայց ԱՄՆ-ն հավանաբար առավելություն կունենա Ռուսաստանի հետ միջուկային պատերազմում, նույնիսկ, եթե ամերիկյան հասարակության կորուստները սարսափելի լինեն։
«Ավանգարդ» համակարգն այնուամենայնիվ ազդանշան է ԱՄՆ-ին, որ Ռուսաստանը նախկինի պես ֆինասավորում է իր ռազմաարդյունաբերական համալիրը և բանակը՝ մոտեցնելով դրա հնարավորությունները ամերիկյանին և ստեղծելով վերջնիս համար ռազմական սպառնալիք։ Պուտինը հայտարարում է, որ ամերիկացիներն են «Ավանգարդի» ստեղծման պատճառ հանդիսացել, քանի որ իրենք ևս ստեղծել են հակահրթիռային համակարգեր։ Սակայն Պուտինը լավ հասկանում է, որ պաշտպանական համակարգերը Ռուսաստանի միջուկային զինանոցի համար երբեք սպառնալիք չեն եղել։ Պատերազմի դեպքում ռուսները քանակապես կճնշեն ամերիկյան հակահրթիռային պաշտպանության համակարգերը, որոնք նախատեսված են միջուկային նոր տերությունների՝ Հյուսիսային Կորեայի և Իրանի կողմից սահմանափակ հարձակմանը դիմակայելու համար։ Սակայն «Ավանգարդի» պես համակարգերը հնարավորություն են տալիս Ռուսաստանին և Չինաստանին (որը նույնպես ակտիվորեն ստեղծում է իր սեփական գերձայնային զենքը) ԱՄՆ-ի համար սպառնալիքներ առաջացնել այլ ոլորտներում։
Սպասելի է, որ 2020-ականներին Մոսկվան և Պեկինը կօգտագործեն գերձայնային տեխնիկան՝ ավելի հզոր, ոչ միջուկային համակարգերի ստեղծման նպատակով, որը դուրս կլինի հակառակորդի՝ խոցման հասանելիության սահմաններից։ Սրա նպատակն ամերիկյան կարևորագույն օբյեկտները ոչնչացնելն է, ինչպիսիք են խոշոր կառավարման կենտրոնները, շտաբները և ավիակիրները։ Պաշտպանության նոր նախարարը պետք է պահանջի, որ այսպիսի սպառնալիքներին հակազդող միջոցների ստեղծմամբ զբաղվողները իրենց ուշադրության կենտրոնում պահեն սա։
Արդյունքում, «Ավանգարդը» ծանրակշիռ վկայություն է, որ Ռուսաստանը և Չինաստանը ԱՄՆ հիմնական հակառակորդներն են։ Հարկավոր է զսպել նրանց՝ ամերիկյան ռազմական ուժով և կառավարման հմտություններով։
Հրապարակման բնօրինակը Washington Examiner-ի կայքում։