Նոյեմբերի 8-ին ԱՄՆ-ում տեղի են ունենում նախագահական ընտրություններ, որոնց ընթացքում գլխավոր մրցակիցներ են դեմոկրատ Հիլարի Քլինթոնը և հանրապետական Դոնալդ Թրամփը: Բրիտանական BBC-ն այս առթիվ լուսանկարների շարքով անդրադարձել է երկու թեկնածուների անցած ճանապարհին, որն էլ ներկայացնում ենք ընթերցողին դատին:
Հիլարի Քլինթոնը ծնվել և մեծացել է Չիկագոյի մերձակայքում, Դոնալդ Թրամփը՝ Քուինսում, Նյու Յորքում:
Հիլարին ընդգրկված էր Մեյն Թաունշիփ բուհի բանավեճի թիմում, իսկ Դոնալդն ընդգրկված էր Նյու Յորքի զինվորական ակադեմիայում, որտեղից հեռացել է կապիտանի կոչումով:
Քլինթոնն իր ամուսին Բիլին հանդիպեց, երբ սովորում էր Յելի իրավունքի դպրոցում, Թրամփը իր առաջին կնոջը և երեք երեխաների մորը՝ Իվանային, հանդիպեց, երբ վերջինս 1970-ականներին տեղափոխվեց Նյու Յորք:
1974 թվականին Հիլարի Ռոդհեմն աշխատում էր որպես փաստաբան այն գրասենյակում, որը իմփիչմենտի մեղադրանք էր ներկայացրել ընդդեմ նախագահ Ռիչարդ Նիքսոնի: Երկու տարի անց՝ 1976 թվականին, Թրամփը Նյու Յորքում սկսեց անշարժ գույքի շուկայում իր գործունեությունը:
1994 թվականին Քլինթոնը Ուրիգլի Ֆելդ ստադիոնում ստացավ առաջին հարվածի իրավունքը, նույնը Թրամփը՝ 2004 թվականին Նյու Յորք Յանկիզ թիմի խաղի ժամանակ:
9/11 ահաբեկչական գործողությունից մեկ օր անց Քլինթոնը շրջում էր նախկին Համաշխարհային առևտրի կենտրոնի տարածքում, մեկ շաբաթ անց Թրամփը լուսանկարվում էր Նյու Յորքի բորսայի մոտ:
2008 թվականին Քլինթոնն առաջին անգամ առաջադրվեց նախագահի թեկնածու, սակայն փրայմերիզում պարտվեց դեմոկրատ Բարաք Օբամային, Դոնալդ Թրամփը ավելի քան 10 տարի իրականացնում էր Արվեստանոց ռեալիթի-շոու:
2011 թվականին Պետքարտուղար Հիլարի Քլինթոնը Լիբիա ուղևորվելիս հաղորդագրություն է ընթերցում. մեմ դարձած մի լուսանկար: Իսկ այդ ժամանակ Թրամփը լսում է, թե ինչպես են բարեգործական միջոցառման ժամանակ մի շարք աստղեր կատակում իր հետ:
2016 թվականի ամռանը Քլինթոնն ու Թրամփն իրենց կուսակցությունների կողմից առաջադրվեցին որպես նախագահի թեկնածուներ:
Լուսանկարները վերցված են BBC-ի կայքից: