Ակնկալիքներ, երազանքներ, սպասումներ` հատկապես վերջին ժամանակահաշրջանում խիստ ակտուալ՝ նոր ձևավորված կառավարություն` իր նոր սպասումներով, խոստումներով և հույզերով, սակայն ինչպես կյանքում, այնպես էլ սպորտում կամ քաղաքականության մեջ, անցնում է ժամանակ և ակնկալիքներին ու երազանքներին փոխարինելու են գալիս արդյունքները չափելու ժամանակահատվածը: Եվ ահա այստեղ սկսվում է ամենահետաքրքիրը. չափում ենք արդյունքները՝ համեմատելով սպասումների և երազանքների հետ:
Ընդամենը հաշված տարիներ առաջ Հենրիխ Մխիթարյանը տեղափոխվեց Գերմանիա: Հենոն հեռանկարային ֆուտբոլիստ էր, մեր սպասումներն էլ` մեծ: Սպասում էինք, որ նա մի օր կդառնա Գերմանիայի առաջնության լավագույն ֆուտբոլիստներից մեկը, կտեղափոխվի ավելի բարձրակարգ թիմ: Հենոն ոչ միայն դարձավ լավագույներից մեկը, այլ անգամ լավագույնը՝ տեղափոխվելով ոչ ավել ոչ պակաս Մանչեսթր Յունայթեդ: Յունայթեդում ակնկալում էինք, որ Հենոն էլ ավելի է բարելավելու իր խաղը: Մտածում էինք, որովհետև Հենոն գրանցել էր մեր սպասելիքներից ավելի մեծ արդյունքներ և մեր նոր սպասելիքներն արդեն հիմնված էին կայացած արդյունքների վրա: Ինչ ունենք այսօր` գիտենք բոլորս՝ սպասելիքներ, որ գուցե մի օր ամեն ինչ կհարթվի, և արդյունքներ, որոնք ընդամենը չեն կոտրում մեր հույսերը: Ընդ որում` այդ հույսերը գալիս են անցյալից:
Հուսով եմ մեր սպասելիքները միշտ կլինեն իրատեսական,՝ խոստումները` ևս, իսկ ակնկալվող արդյունքները՝ տեսանելի և չափելի: Նոր խոստումները՝ ձևավորված փաստերի ու արդյունքների հիման վրա:
Հուսով եմ …