Google ընկերության տեխնիկական տնօրեն ու ամենահայտնի տեխնոլոգիական ֆուտուրոլոգ Ռեյ Կուրցվեյլը արհեստական բանականության ոլորտի գլխավոր հետազոտողներից մեկն է, ով իր կանխատեսումները հրապարակում է դեռ 1990-ական թվականներից:
Վերջին 20 տարիների ընթացքում տարբեր դասախոսությունների ու հարցազրույցների ժամանակ նրա կողմից արված կանխատեսումները ստացել են ժամանակագրական կառուցվածք, որն էլ ներկայացնում ենք ստորև.
2019 թվականին անձնական սարքավորումների լարերն ու մալուխներն այլևս անցյալում կլինեն:
2020 թվականին անհատական համակարգիչները կհասնեն մարդու ուղեղի հետ համեմատելի հաշվողական հզորության:
2021 թվականին անլար ինտերնետը հասանելի է լինելու Երկրի մակերևույթի 85%-ում:
2022 թվականին ԱՄՆ-ում ու Եվրոպայում մարդկանց ու ռոբոտների հարաբերությունները կարգավորող օրենքներ են ընդունվելու:
2024 թվականին համակարգչային ինտելեկտի տարրերը պարտադիր են դառնալու ավտոմեքենաների համար:
2025 թվականին ձևավորվելու է գադջեթ-իմպլանտանտների զանգվածային շուկա:
2027 թվականին անձնական ռոբոտները կդառնան այնքան սովորական ինչպիսին են սառնարանը կամ սրճեփը:
2028 թվականին արևային էներգիան այնքան էժան ու տարածված է լինելու, որ բավարարելու է ողջ աշխարհում էներգիայի պահանջարկը:
2030 թվականին Արդյունաբերության մեջ նանոտեխնոլոգիաների կիրառումը կհանգեցնի բոլոր ապրանքների գների զգալի նվազման:
2031 թվականին 3D տպիչներով մարդկային օրգանների տպումը սովորական երևույթ է լինելու բոլոր հիվանդանոցներում:
2032 թվականին նանոռոբոտներն օգտագործվելու են բժշկության մեջ: Դրանք կարողանալու են սնել մարդու բջիջները և հեռացնել թափուկները: Ռոբոտների օգնությամբ հնարավոր կլինի սքանավորել մարդու ուղեղը, ինչն էլ թույլ կտա հասկանալ ուղեղի աշխատանքի դետալները:
2033 թվականին ինքնագնաց մեքենաները լայ տարածում կունենան:
2034 թվականին տեղի կունենա մարդու առաջին հանդիպումը արհեստական բանականության հետ:
2035 թվականին տիեզերական տեխնիկան բավականաչափ զարգացած կլինի Երկիրն աստղակերպերի հետ բախումներից պաշտպանելու համար:
2036 թվականին մարդկությանը առաջին անգամ հնարավոր կլնի ծրագրավորել հիվանդությունների բուժման համար նախատեսված բջիջներ, իսկ 3D տպիչները հնարավորություն կտան նոր հյուսվածքներ և օրգաններ աճեցնել:
2042 թվականին նանոռոբոտների բանակի շնորհիվ հնարավոր կդառնա լրացնել իմունային համակարգը և «մաքրել» հիվանդություններից:
2044 թվականին ոչ կենսաբանական ինտելեկտը միլիարդավոր անգամներ ավելի խելացի կլինի, քան կենսաբանականը:
2045 թվականին կգա տեխնոլոգիական սինգուլյարության ժամանակը: Երկիրը վերածվելու է մեկ հսկայական համակարգչի:
2099 թվականին տեխնոլոգիական եզակիության գործընթացը կտարածվի ողջ տիեզերքով մեկ: