ԵԱՀԿ ՄԽ 2016-ի հոկտեմբերի 26-ի հայտարարությունը

Տարածաշրջանային այցի արդյունքներով ԵԱՀԿ Մինսկի խումբը հայտարարություն է տարածել, որով տեղեկացնում է, որ կողմերը քննրակում են ԵԱՀԿ Նախագահի անձնական ներկայացուցչի գրասենյակն ընդլայնելու հարցը:

ՄՈՍԿՎԱ/ՎԱՇԻՆԳՏՈՆ/ՓԱՐԻԶ, 26-ը հոկտեմբերի 2016 – ԵԱՀԿ Մինսկի խմբի համանախագահները (դեսպանները Ռուսաստանի Դաշնությունից Իգոր Պոպովը, Ամերիկայի Միացյալ Նահանգներից Ջեյմս Ուորլիկը, Ֆրանսիայից Պիեռ Անդրեն), ԵԱՀԿ Գործող նախագահողի անձնական ներկայացուցիչ Անջեյ Կասպշիկի հետ 2016 թվականի հոկտեմբերի 23-ից 25-ը ճանապարհորդեցին տարածաշրջանում:

Համանախագահները հանդպել են Հայաստանի և Ադրբեջանի նախագահների և արտաքին գործերի նախարարների, Հայաստանի պաշտպանության նորանշանական նախարարի և Լեռնային Ղարաբաղի դե ֆակտո իշխանությունների հետ: Համանախագահների այցի նպատակն էր քննարկել ապրիլին լայնածավալ բռնությունից հետո ստեղծված իրավիճակն, ինչպես նաև ճշգրտել կողմերի դիրքորոշումները բանակացային գործընթացի հետ կապված:

Հանդիպումների ընթացքում կողմերը հավաստիացրել են, որ իրավիճակը սահմանին հարաբերականորեն հանդարտ է: Համանախագահներն ընգծել են, որ հրադադարի ռեժիմի պահպանումը էական նշանակություն ունի ընթացիկ բանակցությունների համար, ինչպես նաև շեշտել են Վիեննայում և Սանկտ Պետերբուրգում կայացած քննարկումների ամբողջական իրականացման կարևորությունը:

Համանախագահները քննարկել են նաև ներկա աշխատանքային առաջարկները տևական խաղաղության տանող առարկայական բանակցությունների հասնելու համար: Նախագահներից յուրաքանչյուրն իր տեսակետներն է ներկայացրել՝ կարգավորման գործընթացն առաջ մղելու հետ կապված: Նախագահները նաև վերահաստատել են իրենց համաձայնությունը՝ ընդլայնել ԵԱՀԿ Նախագահի անձնական ներկայացուցչի գրասենյակն, ինչպես նաև դրա հետ կապված ընթացակարգային մանրամասները, որոնք քննարկման փուլում են:

Համանախագահները նախատեսում են հանդիպել 2016 թվականի դեկտեմբերին Համբուրգում կայանալիք ԵԱՀԿ Նախարարների խորհրդի հանդիպման շրջանակներում՝ քննարկելու նախագահների առաջին իսկ հնարավորության դեպքում հանդիպման հավանականությունը: Նման բարձր մակարդակի երկխոսությունն անհրաժեշտություն է՝ կարգավորման գործընթացում առաջընթաց գրանցելու համար:

Տարածաշրջանում գտնվելու ընթացքում համանախագահները նաև հանդիպում են ունեցել Կարմիր Խաչի միջազգային հանձնաժողովի ներկայացուցիչների հետ՝ քննարկելու այն աշխատանքները, որ կազմակերպությունը իրականացրել է անհետ կորած անձնաց տվյալների փոխանակման հետ կապված, մարդասիրական միջոցառում, որին համանախագահները ամբողջությամբ աջակցել են բոլոր մակարդակներում տեղի ունեցած հանդիպումների ընթացքում:

Հայտարարության բնօրինակը ԵԱՀԿ կայքում