2018 թվականին Ռուսաստանում կայանալիք ֆուտբոլի աշխարհի առաջնության պաշտոնական թալիսման է ընտրվել «Զաբիվակա» գայլը:
Թալիսմանի ընտրությունը տեղի է ունեցել երեք փուլերով: Առաջին փուլում՝ 2015 թվականի մայիսին, երեխաները ներկայացրել են կենդանիների կերպարներ, որոնք ըստ նրանց՝ արժանապատվորեն կներկայացնեն երկիրը: Այնուհետև նույն թվականի սեպտեմբերին 10 լավագույն աշխատանքները փոխանցվել են գեղարվեստական բուհերի ուսանողներին, ովքեր լրացրել և կատարելագործել են առաջարկված տարբերակները:
Այնուհետև Ռուսաստանի շոու-բիզնեսի և սպորտի հայտնի աստղերից կազմված ժյուրին ընտրել է երեք լավագույն աշխատանքները, որոնցից էլ ընտրվել է հաղթողը՝ Զաբիվական:
Պաշտոնական թալիսմաններն աշխարհի առաջնություններում սկսվել են կիրառվել 1966 թվականից սկսած: Ստորև ներկայացնում ենք Անգլիայում կայացած այդ առաջնությունից ի վեր բոլոր մունդիալների թալիսմաններին: