Վերանայել դրույքաչափը

Սուրեն Սահակյանի առաջարկը՝ եկամտահարկի համահարթ դրույքաչափը փոխելու վերաբերյալ

Կարծում եմ՝ հիմա եկամտահարկի համահարթ դրույքաչափը հօգուտ պրոգրեսիվի վերանայելու ճիշտ ժամանակն ա։ Գագիկ Ծառուկյանը ճիշտ էր ասում, որ պետությունը, հայտարարված արտակարգ դրության պայմաններում, տնտեսության ժամանակավոր կանգով պայմանավորված, սոցիալական աղետը բացառելու համար պետք ա հոգ տանի իր քաղաքացիների (համատեղությամբ նաև իր աշխատողների) մասին։

Դա բխում ա մեր սահմանադրության անփոփոխ հոդվածով նկարագրված պետության սոցիալական բնույթից և ներկայիս սահմանադրության 11-րդ հոդվածից, որը միշտ էլ եղել ա տարբեր խմբագրման սահմանադրությունների մեջ։

Էդ հոդվածն ասում ա, որ «…տնտեսական կարգի հիմքը սոցիալական շուկայական տնտեսությունն է, … ինչն ուղղված է համընդհանուր տնտեսական բարեկեցությանն ու սոցիալական արդարության հաստատմանը»։

Այսպիսի պարտավորություններ իր վրա վերցրած պետությունը պետք ա խոշոր սեփականատեր Գագիկ Ծառուկյանին ավելի շատ հարկի, որպեսզի կարողանա կատարել իր ստանձնած պարտավորությունները։

Հետևաբար, ինչպես վերը նշեցի, Գագիկ Ծառուկյանին պատկանող և այլ բազմաթիվ ձեռնարկությունների աշխատողներին սոցիալական աղետից փրկելու նպատակով պետությունը պետք ա մեծ եկամուտներ ունեցողներին ավելի հարկի, քան համեմատաբար փոքր եկամուտ ունեցողներին։

Մի անգամ էլ շեշտեմ, որ սոցիալ-դեմոկրատական էս մոտեցումը հարուստներին պատժելու ու նրանց աղքատացնելու մասին չի, այլ սոցիալական բևեռացման մեղմացման ու աղքատության հաղթահարման և արժանապատիվ կյանքով ապրելու պայմաններ ստեղծելու մասին։

Նման քաղաքականության հիմքում սոցիալական արդարության հասնելու ու համընդհանուր բարեկեցության պետություն ունենալու բնական ձգտումն ա, որն օգուտ ա նաև բացառապես բոլոր մեծ ու փոքր ձեռնարկատերերին։

Համեմատաբար ավելի մեծ հարկեր մուծելով և մասնակցելով արդյունքի արդար վերաբաշխմանը, նրանք, ի վերջո, վճարունակ պահանջարկ են ստեղծում իրենց արտադրած ապրանքների ու մատուցած ծառայությունների համար, ինչն էլ նաև իրենց զարգացման հիմք ա հանդիսանում։

Գրառումը՝ Սուրեն Սահակյանի Facebook-ի էջից