Փենս. ԱՄՆ-ն առաջնորդում է ազատական աշխարհին

ԱՄՆ փոխնախագահ Մայք Փենսի ելույթը՝ «Մյունխենի անվտագության համաժողով-2019» շրջանակներում։

«Երկու տարի առաջ այստեղ ես ասացի, որ ԱՄՆ-ի առաջնորդությունն ազատական աշխարհում ոչ մի պահ չի թուլանա և, որ «Առաջինը Ամերիկան» (America first) չի նշանակում «Ամերկան միայնակ»։ Նույն տարում, կագնելով այնտեղ, որտեղ մենք եղանք մի քանի օր առաջ՝ Վարշավայի ապստամբության հուշակոթողի մոտ, Դոնալդ Թրամփը, ևս մեկ անգամ վերահաստատելով ՆԱՏՕ-ի համատեղ պաշտպանական հանձնառությունն, ասաց հետևյալը. «Մեր օրերում առանցքային հարցն այն է, թե արդյոք Արևմուտքն ունի գոյատևելու կամք։ Ունե՞նք մենք վստահություն մեր արժեքների նկատմամբ, որպեսզի պաշտպանենք դրանք ամեն գնով։ Ունե՞նք մենք բավարար հարգանք մեր քաղաքացիների նկատմամբ, որպեսզի պաշտպանենք մեր սահմանները։ Ունե՞նք ցանկություն և խիզախություն պաշտպանել մեր քաղաքակրթությունը նրանցից, ովքեր ցանկանում են կործանել այն»։

Այսօր, որպես ԱՄՆ փոխնախագահ, հպարտությամբ տեղեկացնում եմ, որ Դոնալդ Թրամփի առաջնորդությամբ, ԱՄՆ-ն պատասխանել է այդ հարցերին ոչ թե խոսքերով, այլ գործով։ Եվ այսօր Ամերիկան ավելի ուժեղ է, քան նախկինում և հերթական անգամ առաջնորդի դեր ունի համաշխարհային հարթակում։ ԱՄՆ Կոնգրեսի երկու կուսակցությունների աջակցությամբ՝ նախագահ Թրամփը վճռական որոշում կայացրեց ստեղծել ամենաուժեղ զինված ուժերը պատմության մեջ՝ անելով ամենամեծ ներդրումը երկրի պաշտպանության համար՝ սկսած Ռեյգանի ժամանակներից։ Մենք մշակեցինք Ազգային անվտանգության նոր ռազմավարություն, որն ուղղված էր խաղաղության տարածմանը ԱՄՆ-ի միջոցներով։ Մենք նախաձեռնեցինք մեր միջուկային զինանոցի արդիականացումը, իսկ մեկ ամիս առաջ նախագահ Թրամփը հայտարարեց մեր նոր հրթիռային պաշտպանության ռազմավարության մասին։

Ուժեղ զինված ուժերն իհարկե կախված են ուժեղ տնտեսությունից։ Գործող նախագահի ժամանակ մենք վճռական գործողությունների գնացինք՝ ԱՄՆ տնտեսությունն ուժեղացնելու համար։ Մենք գործի դրեցինք ամենամեծ հարկային կրճատումները և բարեփոխումներն Ամերիկայի պատմության մեջ, վերականգնեցինք կարգավորումները և կնքեցինք բազմակողմ առևտրային համաձայնագրեր։ Եվ արդյունքերը տպավորիչ եղան։ Երկու տարում մեր ժողովուրդը ստեղծեց 5.3 մլն նոր աշխատատեղ։ Մեր գործազրկության աստիճանը ամենացածրն է վերջին 50 տարիների ընթացքում։ Մեր արժեթղթերի շուկան նորանոր բարձունքեր է գրավում։ Եվ մենք դարձանք գազի և նավթի ամենախոշոր արտադրողն աշխարհում։ Ամերիկյան վերածնված ռազմական և տնտեսական ուժի հետ միասին նախագահ Թրամփը ՆԱՏՕ-ի դաշնակիցների հետ վերահաստատեց մեր համատեղ պաշտպանական հանձնառությունը։ Եվ մենք տեսանք հսկայական զարգացում այս հարցում։

Նախագահ Թրամփի կոչով ՆԱՏՕ-ի մի շարք անդամներ, ովքեր պաշտպանության վրա ծախսում էին նվազագույնն իրենց ՀՆԱ-ի 2%-ը, կրկնապատկեցին այն և այժմ նրանց մեծամասնությունը պլանավորում է մինչև 2024թ. ամբողջությամբ կատարել իրենց պարտավորվածությունները։ Ինչպես ՆԱՏՕ-ի գլխավոր քարտուղար Ենս Սթոլթենբերգն է նշել, Թրամփի առաջնորդության շնորհիվ ՆԱՏՕ-ն տեսավ «իրական գումարներ և իրական արդյունքներ»։ Երկու տարի առաջ այս նույն համաժողովի շրջանակներում ես հանդիպում ունեցա ՆԱՏՕ-ի մեր դաշնակիցներից մեկի առաջնորդի հետ։ Նա շատ անկեղծ էր ինձ հետ և ասաց, որ անհանգսանում է՝ ԱՄՆ նոր կառավարությունը կարող է հետ կանգնել իր հանձնառություններից։ Նա ասաց, որ Եվրոպային անհրաժեշտ է, որպեսզի ԱՄՆ-ն առաջնորդի ազատական աշխարհը։ Գնահատելով նրա անկեղծությունը՝ ես ասացի, որ երբ Թրամփը կոչ է նում մեր դաշնակիցներին հավատարիմ մնալ համատեղ պարտավորություններին, հենց դա է նշանակում լինել ազատ աշխարհի առաջնորդը։

Սակայն, եթե անկեղծ լինենք ՆԱՏՕ-ի մեր դաշնակիցները դեռ պետք է  ավելին անեն։ ԱՄՆ-ն ակնկալում է բոլոր անդամներից, որ նրանք բավարարեն 2%-ի պահանջը։  Մինչը 2024թ.-ը մենք սպասում են, որ մեր դաշնակիցները պաշտպանական գնումների 20%-ը իրենց վրա կվերցնեն։ Վերածնված ուժով՝ ԱՄՆ-ն և իր դաշնակիցներն ամուր կանգնեցին ընդդեմ քաղաքական միջամտությամբ և էներգետիկ ռեսուրսների միջոցոցով մեր դաշինքը խարխլելու փորձերին։ Եվ ԱՄՆ-ն խորհորդ է տալիս իր եվրոպացի գործընկերներին դեմ կանգնել «Հյուսիսային հոսք 2»-ին։ Մենք նաև պարզ հասկացրեցինք բոլորին, որ ձեռքներս ծալած չենք նստի քանի դեռ ՆԱՏՕ-ի մեր դաշնակիցները զենք են ձեռք բերում մեր հակառակորդներից։ Մենք չենք կարող երաշխավորել Արևմուտքի պաշտպանությունը, եթե մեր դաշնակիցները սկսեն կախվածություն ունենալ Արևելքից։

ԱՄՆ-ն նաև անկեղծ է եղել՝ իր անվտագային գործընկերների հետ կապված «Huawei»-ի և չինական այլ հեռախոսային օպերատորների սպառնալիքների վերաբերյալ։ Ինչպես գիտեք Պեկինը պահանջում է տվյալների բազայի մուտքի թույլտվություն։ Մենք պետք է պաշտպանենք մեր հեռահաղորդակցության ենթակառուցվածները և ԱՄՆ-ն կոչ է անում իր դաշնակիցներին մերժել ցանկացած նախաձեռնություն, որը կփորձի վտանգի տակ դնել մեր հաղորդակցային տեխնոլոգիաները կամ ազգային անվտագության համակարգերը։ Այսպիսով՝ նախագահ Թրամփի առաջնորդությամբ մեր տրանսատլանտյան դաշինքը պաշտպանված է և նորացված։ Մենք նաև պայքարեցինք ծայրահեղ իսլամիստ ահաբեկիչների դեմ իրենց իսկ հողում։ Թրամփն ամերիկացի զինվորականներին տվեց անհրաժեշտ իշխանություն, որպեսզի նրանք պայքարեն ԻՊ-ի դեմ Իրաքում և Սիրիայում։ Մեր զինվորականների քաջության և 78 կոալիցիոն գործընկերների ջանքերով ԻՊ խալիֆայությունը ոչնչացվեց, իսկ մեր զորքերն ազատագրեցին 5 միլիոն իրաքցի, սիրիացի, արաբ, քուրդ և մահմեդական տղամարդկանց, կանանց և երեխաներին։ Հենց այս պահին, երբ ես ելույթ եմ ունենում այստեղ, Եփրատի երկայնքով ընկած տարածքները, որտեղ ժամանակին ԻՊ դրոշն էր ծածանվում, անցնում են մեր հսկողության ներքո։

Այս հաջողություններից հետո, Թրամփը հայտարարեց, որ ԱՄՆ-ն կփոխանցի պայքարի էստաֆետը մեր տարածաշրջանային դաշնակիցներին և տուն կվերադարձնի մեր զորքերը։ Սա փոփոխություն է մարտավարության մեջ, բայց ոչ առաքելության։ ԱՄՆ-ն կշարունակի իր ամուր դիրքերը պահպանել տարածաշրջանում։ Մենք հասկանում ենք, որ բավարար չէ միայն խալիֆայության տարածքները վերադարձնելը։ Քանի որ մենք նոր փուլ ենք մտել, ԱՄՆ-ն կշարունակի աշխատել իր դաշնակիցների հետ, հետապնդել ԻՊ վերջին մնացորդներն ամենուր, որտեղ նրանք կփորձեն վեր բարձրացնել իրենց տգեղ գլուխները։  Բացի Իրաքից և Սիրիայից, 2017թ.-ին նախագահ Թրամփը հայտարարեց Հարավային Ասիայի ռազմավարության մասին։ ԱՄՆ զիված ուժերի և մեր դաշնակիցների հետ, մենք նոր եռանդով սկսեցինք պայքարը Թալիբանի, Ալ Քաիդայի, ԻՊ Խորասանի և  Աֆղանստանի այլ իսլամական ծայրահեղ խմբերի դեմ։ Նրանց խիզախության շնորհիվ, այօր Թալիբանը նստել է սեղանի շուրջ և բանակցում է հանուն երկարաժամկետ քաղաքական կագավորման, որը խաղաղություն կբերի այս երկրին և թույլ չի տա, որ այն օգտագործվի ահաբեկիչների կողմից ընդդեմ ԱՄՆ-ի, մեր դաշնակիցների և ցանկացած այլ ինքնիշխան ժողովրդի։

Նախագահ Թրամփի օրոք ԱՄՆ-ն կորսա ամեն հնարավորություն, որը տանում է խաղաղության։ Սակայն ամեն մարտահրավերի մենք կմոտենանք բաց աչքերով։ Մենք կմոտենանք աշխարհին այնպիսին, ինչպիսին այն կա, այլ ոչ թե ինչպես մենք ենք ուզում տեսել։ Օրինակ՝ մենք Ռուսաստանին հաշվետու ենք պահում՝ ուժով սահմանների փոփոխության փորձերրի համար՝ Ուկրաինային խոշոր ռազմական միջոցներ վաճառելով։ ԱՄՆ-ն հեռացրել է 60 դիվանագետի Բրիտանիայում ռուս աքսորյալի նկատմամբ քիմիական հարձակումից հետո։ Ռուսաստանի կողմից տարիներով ոտնահարվող համաձայնագրի հետ կապված՝ ԱՄՆ-ն մտադրություն հայտնեց Միջին հեռահարության միջուկային ուժերի մասին համաձայնագրից դուրս գալու մասին։ Մենք նաև վճռական քայլեր ենք արել ընդդեմ Մերձավոր Արևելքում խաղաղության և անվտագության սպռանալիքների դեմ։ Իրանն աշխարհում ահաբեկչության առաջատար հովանավորն է։ Իրանն աջակցել է ահաբեկչական «Հեզբոլահ»-ին և «ՀԱՄԱՍ»-ին, հրթիռներ է արտահանել, Սիրիայում և Եմենում կոնֆլիկնտեր է հրահրել, Եվրոպայում ահաբեկչական հարձակումներ է մշակել և ակնհայտ ցանկացել է ոչնչացնել Իսրայելը։

Հակասեմիթականությունը ոչ թե սխալ է, այլ չարիք է։ Եվ նրան պետք է դիմադրել որտեղ էլ այն գլուխ բարձրացնի, այն պետք է բոլորի կողմից դատապարտվի։ Երեկ ես և իմ կինը Աուշվից կատարած մեր առաջին այցի ժամանակ հարգանքի տուրք մատուցեցինք Հոլոքոստի նահատակներին։ Դա ցավալի ողբերգության վայր է, բայց այն նաև արտացոլում է ազատության հաղթանակը։ Երբ մենք քայլում էինք այնտեղով, Հոլոքոստից փրկվածներից մեկի թոռը շշնջալով ասաց. «Բարին միշտ հաղթում է չարին»։ Այսպես էլ եղավ, բայց սարսափելի գնով։ Մարդկության պատմության այդ սև էջից քաղած դասերից մեկն այն է, որ երբ ավտորիտար ռեժիմները հակասեմիթական ատելություն են տարածում կամ սպառնում են բռնություն կիրառել, մենք չպետք է դա աչքաթող անենք։ Իրանի ռեժիմը բացահայտ աջակցում է մեկ այլ Հոլոքոստի իրականացմանը և միջոցներ է ձեռնարկում դրան հասնելու համար։ Այաթոլլա Համենեյին անձամբ ասել է. «Իրանի Իսլամական Հանրապետության առաքելությունն է ջնջել Իսրայելն աշխարհի քարտեզից»։

Երկու տարի առաջ նախագահ Թրամփն իր առաջին արտասահմանյան այցը կատարեց Սաուդիան Արաբիա, որտեղ նա անցկացրեց պատմական գագաթաժողով տարածաշրջանային 50 ժողովուրդների հետ։ Ինչպես նա նշեց այնտեղ. «Քաղաքակրթության ծննդավայրը սպասում է իր նոր վերածննդին»։ Նա կոչ արեց բոլորին միասին աշխատել՝ դիմակայելու «պատմության մեծ փորձությանն ընդդեմ ծայրահեղականության և ահաբեկչական ուժերի դեմ»։ Այս շաբաթ պատիվ ունեի ուղևորվել Լեհաստան և հանդիպել այդ առաջնորդներից շատերին։ Մենք հավաքվել էինք միասին քննարկելու մեր միասնական հանձնառությունն ընդդեմ Իրանի դեմ պայքարի և Մերձավոր Արևելքի խաղաղության, բարգավաճման և մարդու իրավունքների համար։ Նշանակալի է այն փաստը, որ տարածաշրջանի շատ առաջնորդներ հենց Իրանին են համարում ամենամեծ սպառնալիքը Մերձավոր Արևելքի խաղաղությանն ու անվտագությանը։

Ինչպես նշեցի այդ հանդիպմանը, գործողությունների դիմելու ժամանակ է։ Ժամանակն է, որ մեր եվրոպացի գործընկերները չխանգարեն Իրանի արյունարբու հեղափոխական ռեժիմի դեմ ԱՄՆ սանկցիաներին։ Ժամանակն է, որ եվրոպացի մեր գործընկերները կանգնեն մեր կողքին, ինչպես նաև Իրանի ժողովրդի կողքին, ովքեր մեր դաշնակիցներն ու ընկերներ են տարածաշրջանում։ Ժամանակն է, որ Եվրոպան դուրս գա Իրանի միջուկային ծրագրից և միանա մեզ՝ տնտեսապես և դիվանագիտությամբ անհրաժեշտ ճնշում գործադրելով, որպեսզի խաղաղություն, անվտագություն և ազատություն տրվի Իրանի ժողովրդին, տարածաշրջանին և ողջ աշխարհին։ Այսպիսով քանի դեռ մենք կանգնած ենք մեր դաշնակիցների կողքին, ուժեղացնում ենք ՆԱՏՕ-ն և պայքարում ենք ագրեսիայի դեմ, նախագահ Թրամփի առաջնորդությունը փոփոխություններ է բերում նաև հնդկա-խաղաղօվկիանոսյան տարածաշրջանում։ ԱՄՆ-ն ուզում է այնտեղ տեսնել անկախ ժողովուրդներ, որոնք ունեն իրենց շահերը և հարգում են իրենց հարևաններին, որտեղ հասարակությունները, հավատքը և ավանդույթները ծաղկում են կողք կողքի, որտեղ անհատներն իրացնում են Աստծո կողմից տրված ազատություններն, որպեսզի հասնեն իրենց երազանքներին։

Ինչպես նախագահ Թրամփն էր ասել, տարիներ ի վեր ԱՄՆ-ն Չինաստանի հետ առևտրային հարաբերություններում բախվել է «հսկայական մաքսատուրքերի»։ Արդյունքում միայն անցած տարի 375 միլիարդ դոլարի առևտրային դեֆիցիտ է եղել։ Այս հարցը լուծելու համար ԱՄՆ-ն չինական ապրանքների վրա 250 միլիարդ արժեքով մաքսատուրեր է սահմանել, ինչը կարող է կրկնապատկվել։ Սակայն մենք հույս ունենք որ ամեն ինչ դեպի լավը կգնա։ Հենց այս պահին Պեկինում բանակցություններ են ընթանում մեր առևտրային հարաբերությունների շուրջ և դրանք միայն առևտրային անհավասարակշռության վերաբերյալ չեն։ Նախագահ Թրամփի օրոք ԱՄՆ-ն հստակ հասկացրել է, որ Չիանստանը պետք է անդրադառնա մտավոր սեփականության գողություններին, տեխնոլոգիաների բռնի տրանսֆերին և այլ կառուցվածքային խնդիրներին, որոնք խոչընդոտներ են ստեղծում մեր և աշխարհի տնտեսությունների համար։

Նախագահ Թրամփը, ինչպես նաև ես, մեծ հագանք ունենք նախագահ Սի Ցզնպինի նկատմամբ։ Նախագահը լիահույս է, որ բանակցություններն արդյունավետ կլինեն և երկողմ առևտուրը կլինի ազատ, արդար և փոխշահավետ։ Այլ խնդիրներ ևս կան. Հարավայի ծովում ազատ նավարկությունը, տեղական քաղաքական միջամտությունները և կրոնական փոքրամասնությունների իրավունքերը։ Պեկինը գիտի մեր դիրքորոշումը։ Չինաստանն իր կարևոր տեղը ունի ազատ և բաց հնդկա-խաղաղօվկիանոսյան մեր տեսլականի մեջ, եթե նա հարգի իր հարևանների ինքնիշխանությունը, մարդու իրավունքները և ազատությունները։ Ամերիկայի ժողովուրդը ոչինչ ավելի չի ուզում, իսկ Չինաստանի ժողովուրդը և ամբողջ տարածաշրջանը պակաս արժանի չէ դրան։ Մի կողմից կարևոր է շեշտել, թե ինչ առաջընցաց ենք գրանցել այս տարածաշրջանում նախագահ Թրամփի օրոք։ Երկու տարի առաջ, երբ ես այստեղ կանգնած էի, Հյուսիսային Կորեան կանոնավոր միջուկային փորձակումներ էր անում՝ սպառնալով Ճապոնիային և ԱՄՆ-ին։

Թրամփն աննախադեպ համաշխարհային արշավ սկսեց ընդդեմ այս սպառնալիքի։ Եվ աշխարհը տեսավ արդյունքը. այլևս ոչ մի միջուկային փորձարկում, այլևս ոչ մի կրավկված հրթիռ։ Մեր գերիները տուն վերադարձան։ Ես և կինս պատիվ ունեցանք լինել Հավայան կղզիներում, որտեղ Կորեական պատերազմից մնացած հերոսնեը վերադարձել են իրենց տուն։ Այնուհետև անցած տարի Սինգապուրում պատմական գագաթաժողովի ժամանակ Թրամփը Կիմ Չըն Ընի հավաստիացումը ստացավ առ Հս. Կորեայի վերջնական ապամիջուկայնացում։ Այժմ մեկ ուրիշ գագաթաժողով է պատրաստվում Վիետնամում երկու նախագահաների մասնակցությամբ։ Այս անգամ նույնպես նախագահ Թրամփը լիահույս է և հավատում է, որ խաղաղության հնարավոր է հասնել։ Բայց մեր դաշնակիցները պետք է վստահ լինեն, որ մենք անցյալի սխալները չենք կրկնի։ Բոլոր ժողովուրդները պետք է միասին լինեն և ստիպեն, որ ՄԱԿ ԱԽ բանաձևերը կյանքի կոչվեն և հետևողական լիենեն, որ Կորեան կատարի իր խոստումները։ Ես խոստանում եմ, որ Ամերիկան իր մասով հավատարիմ կմնա իր խոստումներին։

Մինչ մարտահրավերները մեծանում են, ամերիկյան նոր առաջնորդության հետ մեկտեղ մենք ամեն օր ցույց ենք տալիս, որ կարող ենք ապագա աշխարհը դարձնել ավելի լուսավոր, քան նախկինում էր։ Անկախ ապագա մարտահրավերներից, մենք երբևէ չպետք է թերագնահատենք մեր ուժերն՝ աշխարհը դեպի լավը փոխելու գործում։ Երբ մենք ուժեղ ենք և միասին, ամեն ինչի հնարավոր է հասնել։ Վերջին շաբաթներում, մենք տեսանք, թե ինչ է լինում, երբ ազատական աշխարհը և ազատությունը սիրող մարդիկ կողք կողքի են կանգում, ինչպես այստեղ ներկաները կանգնեցին մեր և Վենեսուելայի ժողովրդի կողքին, ովքեր պայքարում են իրենց ազատության համար։ Վենեսուելայում պայքարը դիկտատուրայի և ժողովրդավարության միջև է։ Նիկոլաս Մադուրոն լեգիտիմություն չունեցող դիկտատոր է և պետք է հեռանա։

Մադուրոյի սոցիալիզմը կիսով չափ կրճատել է իրենց տնտեսությունը։ Մարդկանց 10-ից 9-ը աղքատության մեջ են, այն դեպքում, երբ Վենեսուելան մեր աշխարհամասի ամենահարուստ պետություններից էր։ Միջին վենեսուելացին զրկանքների և թերսնման պատաճռով կորցրել է ավելի քան 20 կիլոգրամ։ Հազարավոր երեխաներ հենց այս պահին շարունակում են քաղցած մնալ։ Ահագնացող հիասթափությունը զանգավածային արտագաղթի պատճառ է դարձել։ Ավելի քան 3մլն մարդ լքել է իր հայրենիքը։ Եվ եթե ամեն ինչ այսպես մնա ևս 2 մլն մարդ մինչև տարեվերջ կլքի երկիրը։  Ես և կինս այդ մարդկանց խնդիրներն անձամբ տեսանք, երբ նախորդ տարի այցելեցինք տարածաշրջան։ Բրազիլիայում, մի փոքրիկ եկեղեցում մենք հանդիպեցինք որոշ ընտանիքների, ովքեր փախել էին բռնապետության և զրկանքների ճիրաններից։

Մենք նրանց հետ ժամանակ անցկացրեցինք, գրկեցինք նրանց երեխաներին, լսեցինք նրանց դժվարությունների մասին։ Ես երբեք չեմ մոռանա իր կնոջ և երեխաների հետ կանգնած մի հոր, ով ասաց ինձ, թե ինչքան դժվար է երկար աշխատանքային օրվանից հետո վերադառնալ տուն և նայելով երեխաների աչքերին ասել. «Այսօր մենք հաց չենք ուտելու»։ Սա ողբերգություն է, որին պետք է աշխարհն արձագանքի։

Բարեբախտաբար Վենեսուելայում ազատությունը նոր թափ է հավաքել։ Այս շաբաթ ժամանակավոր նախագահ Խուան Գուաիդոն և իր կառավարությունն Ամերիկյան Պետությունների Կազմակերպությունում անցկացրեցին միջազգային  մարդասիրական համաժողով, որտեղ 30 ազգեր իրենց աջակցությունը հայտնեցին Վենեսուելայի ժողովրդին՝ տրամադրելով օգնություն։  Արձագանքելով այս կոչին՝ միջազգային հանրությունն արդեն 100 միլիոն դոլարի նվիրատվություն է կատարել մարդասիրական օգնության համար: Առաջիկա  օրերին Վենեսուելայի ժողովուրդը կրկին դուրս կգա փողոցներ՝ ժողովրդավարության և օրենքի գերակայության համար իրենց ձայնը բարձրացնելու: Նախագահ Թրամփի ղեկավարությամբ՝ Միացյալ Նահանգները հպարտ է, որ աշխարհում առաջին երկիրն է, որ ճանաչել է Գուաիդոյին որպես Վենեսուելայի օրինական նախագահ։ Այս պահի դրությամբ 52 երկրներ՝ ներառյալ 30  մեր եվրպացի դաշնակիցները, հետևել են Ամերիկայի առաջնորդին։

Բայց ժամանակն է, որ աշխարհի մնացած մասն անի իր քայլը: Հին աշխարհը ևս մեկ անգամ կարող է կագնել ի պաշտպանություն Նոր աշխարհի ազատության։ Բոլորս պետք է կանգնենք Վենեսուելայի ժողովրդի կողքին, մինչև ազատությունը և ժողովրդավարությունը լիովին վերականգնվեն: Այսպիսով՝ այսօր մենք կոչ ենք անում Եվրամիությանը քայլ անել դեպի ազատությունը և ճանաչել Խուան Գուաիդոյին որպես Վենեսուելայի միակ օրինական նախագահ: Այսպիսով՝ նախագահ Դոնալդ Թրափի ղեկավարության ներքո՝ Ամերիկան ևս մեկ անգամ առաջնորդում է ազատական աշխարհը։ Շնորհակալություն այս կարևոր միջոցառմանը հրավիրելու համար։ Ինչպես նաև շնորհակալություն մեր արձանագրած առաջընթացին անդրադառնալու այս հնարավորության համար և այն կապերի համար, որոնք ամենուրեք միավորում են ազատասեր մարդկանց։

Ինչպես նախագահ նախագահ Թրամփը հայտարարել էր  2017թ.-ին Լեհասատանում իր ելույթի ժամանակ․ «Մեր ազատությունը, մեր քաղաքակրթությունը և մեր գոյատևումը կախված են պատմության, մշակույթի և հիշողության կապերից»։ Նրանք նաև կախված են հավատի հիմքերից։  Եվ այդ հավատքի վրա հիմնվելով՝ ես գիտեմ, որ, ինչպես նախագահը եզրափակեց. «Արևմուտքը երբեք չի կոտրվի։ Մեր արժեքները միշտ գերակա են լինելու։ Մեր ժողովուրդը բարգավաճելու է։ Եվ մեր քաղաքակրթությունը հաղթանակելու է»։ Քանի որ ես հավատում եմ մեր ժողովրդին և ամենուր ապրող ազատասեր մարդկանց: Ես նաև հավատում եմ այս հնագույն խոսքերին․«Որտեղ Տիրոջ ոգին է, այնտեղ ազատություն կա»։ Եվ երբ մենք ամուր կառչում ենք ազատության նկատմամբ մեր հավատքից և նրա հավերժական Հեղինակին, ազատությունը միշտ հաղթում է»:

Ելույթի բնօրինակը Սպիտակ տան կայքում։