«Lenta.ru»-ն պատմում է, թե ինչպես է պայթունավտանգ խառնվածքով և կասկածելի հեղինակությամբ բազմիցս դատապարտված խռովարարի համբավ ունեցող բասկետբոլիստ Դենիս Ռոդմանը դարձել միջազգային օրակարգի ամենահայտնի հերոսներից մեկը վերջին ժամանակներում։
Նա խմում և ծեծում էր կնոջը, սակայն ընկերանալով Հյուսիսային Կորեայի հետ փրկեց աշխարհը միջուկային պատերազմից։
Հյուսիսկորեական հրթիռները չեն հարվածի ԱՄՆ-ին, իսկ ամերիկյան հրեղեն փոթորիկը, առնվազն հիմա, չի փլուզի ԿԺԴՀ-ն։ Սա ոչ միայն Դոնալդ Թրամփի, Կիմ Չեն Ընի և խիստ կոստյումներով անթիվ դիվանագետների շնորհիվ էր, այլ նաև ներկված եղունգներով, ամբողջ մարմինը դաջվածքներով և դեմքի պիրսինգներով արտասովոր սևամորթ բասկետբոլիստ Դենիս Ռոդմանի։
«Այո, նա ամբողջ ընթացքում միայն ժպտում, ժպտում և ժպտում է։ Զվարճանում է»,-այդպես Դենիս Ռոդմանը Նյու Յորքի օդանավակայանում ուղեբեռը ստանալուց կիսելվել է իր տպավորություններով Կիմ Չեն Ընի հետ հանդիպումից։ «Նա նույնիսկ ոչ մեկի չի ռմբակոծել, չնայած սպառնացել է։ Ո՛չ Հարավային Կորեային, ո՛չ Հավայիին, ո՛չ էլ ուրիշ մեկին։ Ասում են, որ նա ամենավատ մարդն է աշխարհում։ Իսկ ինձ նա ասել է, որ չի ցանկանում պատերազմել ԱՄՆ-ի հետ, այլ ցանկանում է խոսել Օբամայի հետ բասկետբոլից։ Ցավոք սրտի Օբաման նրա հետ ոչ մի ընդհանուր բան ունենալ չի ցանկանում։ Իսկ ես ուզում եմ հարցնել ինչ վատ բան կա հեռախոսազանգի մեջ։ Օբամա՛ դրսում նոր դար է, զանգիր Կիմին և ընկերացիր նրա հետ»։
Օբաման չզանգեց։
Դենիս Ռոդմանը ծնվել է 1961թ.-ի մայիսի 13-ին Նյու Ջերսիում։ Նրա հայրը ծառայելով օդային ուժերում վաղ շրջանում հեռացել է ընտանիքից և բնակություն հաստատել Ֆիլիպիններում։ Իր իսկ պատմելով ունեցել է ավելի քան երկու տասնյակ երեխաներ։ Դենիսն անձամբ պնդում է, որ ունի 44 խորթ քույր և եղբայր։ Մայրը, որպեսզի կերակրեր որդուն և նրա երկու քույրերին, երբեմն աշխատել է 4 տեղում միաժամանակ։ Երեխաները մեծանում էին Տեխասի Դալասի ամենաղքատ թաղամասերից մեկում, տղան ապրում էր իր քույրերի ստվերում, ովքեր համարվում էին տաղանդավոր բասկետբոլիստուհիներ և հետագայում հասան մեծ հաջողությունների։ Դպրոցում Դենիսը փորձում էր դառնալ բասկետբոլային թիմի անդամ, ապա ամերիկյան ֆուտբոլի հավաքականի թիմի անդամ, սակայն ձախողեց՝ կարճ հասակի պատճառով։ Դպրոցն ավարտելուց հետո աշխատում էր Դալլասի օդանավակայանում որպես գիշերային հավաքարար։ Հենց այդ ժամանակ էլ նա բավականաչափ մեծացավ և բասկետբոլային կարիերայի երազանքն ավելի իրական թվաց, քան երբևէ։
Տեխասի առաջին համալսարանում Ռոդմանը շատ արագ հասնում է տպավորիչ մարզական հաջողությունների, բայց դուրս է մնում առաջին իսկ կիսամյակից ուսման առաջադիմության պատճառով։ Ընդունվում է Օկլահոմայի համալսարան, որտեղ արդեն բասկետբոլի ապագա աստղին արդեն կանգնեցնել չէր լինելու։ Նրան երեք անգամ ներգրավում են ամերիկյան լավագույն սիրողական մարզիկների և համապատասխան տեսական թիմում։ Նրա հաջողություներին ուշադրություն է դարձնում Detroit Pistons թիմը, որտեղ էլ նա խաղաղում է 9 տարի։ Այնուհետև 3 տարի լինում է San Antonio Spurs-ում, 3 տարի Chicago Bulls-ում և մեկ անհաջողակ տարի Dallas Mavericks-ում, որից հետո ավարտում է կարիերան NBA-ում։ Հետագայում Ռոդսմանը լրջորեն հետաքրքրվում է ըմբշամարտով և նույնիսկ կռվում է ռինգում լեգենդար Հալկ Հոգանի հետ։
Տարօրինակը
1992թ.-ը Ռոդմանի կյանքում դառնում է շրջադարձային։ Detroit Pistons-ից հեռանում է մարզիչը, որին Դենիսը համարում էր իր երկրորդ հայրը։ Այնուհետև բաժանվում է Էնի Բեյկսից, որից արդեն աղջիկ ուներ։ Արդյունքում, 1993թ.-ի փետրվարին բասկետբոլիստին գտնում են իր մեքենայում բեռնված ատրճանակի կողքին քնած վիճակում։ «Ես որոշել եմ ինձ սպանելու փոխարեն սպանել այն ինքնակոչին, որը տանում է Դենիս Ռոդմանին ծուռ ուղիով։
Ես ինքս ինձ ասացի, որ կապրեմ այնպես, ինչպես ցանկանում եմ և կլինեմ երջանիկ։ Հետո ես փոխեցի իմ կյանքը։ Ես սպանեցի այն մարդուն, ինչպիսին չեմ ուզում դառնալ։
Ռոդմանն իսկապես սկում է իրեն տարօրինակ պահել, կարող էր, օրինակ, պարզապես չգնալ մարզումների կամ էլ հրաժարվել հեռանալ կորտից, երբ նրան հեռացնում էին այնտեղից կամ նույնիսկ հարվածել մրցավարին։ Նա կարճ է կտրում մազերը, ներկում սպիտակ, ապա կարմիր և կապույտ գույներով, Մադոննայի հետ երկամսյա ինտրիգ է սկսում՝ հավատացնելով, որ վերջինս նրանից երեխաներ է ուզում ունենալ, իսկ հետո իր գրքի շնորհանդեսի համար հագնելով հարսանեկան զգեստ հայտարարում է, որ այսուհետ նա բիսեքսուալ է և ամուսնանում է ինքն իր հետ։ Երկրորդ գիրքը նա ներկայացնում է դագաղում նստած։ Ռոդմանը տղամարդկանցից առաջինն էր, ով նկարահանվում է ամբողջովին մերկ «Ավելի լավ է քայլել մերկ, քան հագնել մորթի» կարգախոսով գովազդում։
Դերասանի կարիերան չաշխատեց։ «Колони» դեբյուտային ֆիլմը բերեց միանգամից երեք մրցանակ՝ ամենավատ դեբյուտ, երկրորդ պլանի ամենավատ դերասան, ամենավատ դերասանական զույգ (այս մրցանակը Ռոդմանը կիսեց Ժան Կլոդ Վան Դամի հետ)։ Ռոդմանը հիմնականում խաղում էր միայնակ նույնիսկ «Симпсоны» անիմացիոն սիթքոմում։ Նա նկարահանվել է նաև Celebrity Apprentice ռեալիթի շոուում, որը գլխավորում էր մագնատ Դոնալդ Թրամփը։ Նրա պայթունավտանգ խառնվածքը միևնույն ժամանակ նվաճում է հեռուստադիտողի սերը։ Ռոդմանն հաղթահարում է ներփակվածությունը՝ ձեռք բերելով հանդիսատեսի զարմանքն ու ատելությունը առաջատար շոուի նկատմամբ։ Թրամփը հեռացրեց նրան վատ վերաբերմունքի և ալկոհոլային կախվածության պաճառով։ Սերը խմիչքների հանդեպ մեկ անգամ չէ, որ հանգեցնում էր խնդիրների։ Ռոդմանին տուգանում են հարբած վիճակում մեքենա վարելու և մի քանի անգամ ձերբակալում են բռնության համար՝ ներառյալ կնոջ հետ ծեծկռտուքը, որին ամուսնալուծությունից հետո հարյուր հազարավոր դոլարներ էր պարտք։
Սակայն, Apprentice-ի հեռուստադիտողը ուշագրավ հերոսի պակաս ուներ, և նա վերադառնում է եթերաշրջանի ընթացքում, երբ հեղինակները հրավիրեցին նախկինում հեռացված աստղերին։ Ռոդմանը չհիասթափեցրեց։ Նրա ինքնատիպությունն արձագանք գտավ լսարանում։ Սակայն, մի անգամ Թրամփը հանձնարարում է թիմին գովազդային արշավ մտածել իր կնոջ՝ Մելանյայի նոր կոսմետիկ հավաքածուի համար։ Ռոդմանը լինելով դրանցից մեկի ղեկավարն՝ իրականացրեց բավականին լավ ծրագիր։ Բաց թողեց միայն մի փոքրիկ դետալ. նկարներից մեկում գրված էր «Միլանյա»։ Ապագա առաջին տիկինը տեսնելով այն՝ չկարողացավ թաքցնել իր տհաճ զարմանքը, և Ռոդմանը կրկին լսեց Թրամփի բրենդային You’re fired! («Դուք աշխատանքից ազատված եք») արտահայտությունը։ Թրամփը հաճախ էր նրան հիշատակում իր լեգենդար Twitter-ում։ «Շնորհակալ եմ Դենիս Ռոդման։ Ժամանակն է Ամերիկան նորից դարձնել հզոր։ Հուսամ քեզ մոտ ամեն ինչ լավ է»,- գրեց Թրամփն այն բանից հետո, երբ բասկետբոլիստն աջակցեց նրան նախագահի թեկնածու առաջադրվելիս։ Այնուամենայնիվ մագնատը իր ընկերոջ մասին խոսեց ոչ այնքան գովասանքով։ «Դենիս Ռոդմանը եղել է խմած կամ էլ թմրանյութերի ազդեցության տակ, երբ ասել է, թե ես ցանկանում եմ նրա հետ գնալ Հյուսիսային Կորեա։ Լավ է, որ Apprentice-ից նրան հեռացրեցի» ,- գրել է Թրամփը 2014թ.-ին։ «Երբեք չի քննարկվել, չկա ոչ մի ցանկություն, իմ ոտքն այնտեղ չի լինի», – ավելացրել է ապագա նախագահը։ Բայց «Թրամփ — Կիմ Չեն Ըն» պատմական գագաթնաժողովը, հավանաբար, ոչ ոք չէր կարող պատկերացնել։
Բասկետբոլը
Հյուսիսային Կորեայի Կիմերի կառավարող դինաստիան սիրում էր բասկետբոլ։ Ոգևորությունը սկսել էր Կիմ Չեն Իրից՝ Հյուսիսային Կորեայի հիմնադիրի որդուց։ Այդ հոբբիի մասին հայտնի դարձավ 90-ականների սկզբին, երբ բարձրաստիճան բանակցողների խումբը եկավ ԱՄՆ։ «Գործերն ընթանում էին իրենց հունով, բայց հետո պատվիրակության ղեկավարը նայեց իր ժամին և ասաց. Կա՛նգ առեք, ընդմիջում. Մայքլը [Ջորդան] и [Չիկագո] Բուլսը խաղում են, իսկ ես պետք է նայեմ, կարող է արդյոք Սկոտին [Պիպեն] վերականգնվել վնասվածքից հետո»,- փոխանցեց San Diego Union Tribune թերթը ամերիկացի դիվանագետի խոսքերը։ Նրա հավաստիացմամբ նրանք հետո միասին հետևում էին խաղին և քննարկում այն, իսկ Հյուսիսային Կորեայի դիվանագետը հաճախ նայում էր խաղը ղեկավարի ընկերակցությամբ։
Սպիտակ տանը դա հիշում էին, այդ իսկ պատճառով, երբ 2000թ.-ի հոկտեմբերին Փհենյան ժամանեց ԱՄՆ պետքարտուղար Մադլեն Օլբրայթը Կիմ Չեն Ընին բերեց թանկարժեք նվեր. բասկտեբոլի գնդակ ստորագրված Չիկագո Բուլսի Մայքլ Ջորդանի կողմից։ «Նա, հնարավոր է, զարմացավ, բայց ակնհայտ էր, որ նրան դուր եկավ։ Չեմ կարծում, որ նա նման բան էր սպասում։ Դա շատ անձնական, մարդկային ժեստ էր», – հիշում է Կենտրոնական հտախուզական վարչության (ԿՀՎ) հյուսիսկորեական ուղղության այն ժամանակվա առաջատար վերլուծաբան Բոբ Կարլինը։
Կիմ Չեն Իրը նույնիսկ հյուսիսկորեական բասկետբոլստ Լի Մյուն Հունին ուղարկեց Կանադա (իհարկե, մարզիչի, դիվանագետի և թիկնապահի ուղեկցությամբ)։ Կորեացի հսկան (տղամարդու հասակը 2,3 մետր) գրավեց հավաքագրողների ուշադրությունը, սակայն նրա հետ որևէ պայմանագրի կնքումը պատժամիջոցների ռեժիմի խախտում էր համարվելու։ Երբ ամերիկացիները հասկացան, որ Լին Փհենյանի «բասկետբոլային դիվանագիտության» կարկառուն ձեռքն է, արդեն ուշ էր. նա արդեն թռչում էր տուն։ Պաշտոնյաներն առաջարկեցին Հյուսիսային Կորեա ուղարկել բասկետբոլիստներին և մարզիչներին, սակայն նախաձեռնությունն այդպես էլ չկայացավ։ Կիմ Չեն Ընը ժառանգեց այդ զբաղմունքը հորից։ Ընտանիքի անձնական խոհարարը, ով փախել էր Ճապոնիա, հիշում է, որ Կիմ Չեն Իրի՝ Կիմ Չեն Ըն և Կիմ Յուն Չոլ որդիները հաճախ էին գնդակը գցում զամբյուղի մեջ, ապա վերլուծում հաջողություններն ու ձախողումները։ Երբ նրանք որպես դեսպանատան աշխատակիցներ քողարկված սովորում էի Շվեյցարիայում, խաղը նրանց կյանքի կարևորագույն մասն էր։ «Նա [Կիմ Չեն Ըն] հպարտությամբ ցույց էր տալիս Չիկագո Բուլսից Թոնի Կուկոչի և Լոս Անջելես Լեյքերսից Կոբի Բրայանտի հետ լուսանկարները»,- պատմել է Կիմի ընկերներից մեկը հարավկորեական «Чосон Ильбо» թերթին։ Նրա խոսքերով, Կիմը ժամերով կարող էր նստել մատիտը ձեռքին՝ նկարելով Մայքլ Ջորդանին։ Առնվազն մեկ անգամ դեսպանատան մեքենան տարել է Պակա Ունային (այդպիսի կեղծանունով էր Կիմ Չեն Ընը ապրում) NBA-ի ընկերական խաղին։
Սակայն, ո՛չ Կիմ Չեն Ընը, ո՛չ Կիմ Յուն Չոլը առանձնապես ականավոր խաղացողներ չէին. դպրոցական թիմին աջակցում էին իրենց թիկնապահները։ Հյուսիսային Կորեայի ապագա ղեկավարը, սակայն սարսափելի մոլի խաղացող էր։ «Նա շատ պայթունավտանգ էր։ Ատում էր պարտությունը։ Կարևոր էր միայն հաղթանակը»,- հիշում էր նրա ընկերը։ Նա մարզվում էր Nike սպորտային կոշիկներով՝ 200 դոլար մեկ զույգի համար։ Թիմակիցները չէին կարող իրենց նման բան թույլ տալ։ Մարզումների ժամանակ դեսպանատան կանայք երբեմն տեսախցիկով հետևում էին Կիմին։ Մյուսները մեծ նշանակություն չէին տալիս այս ծիսակարգին համարելով այն կորեական այլակարծության դրսևորում։ Եվ հետո միանգամից դպրոցական տարվա կեսերին Կիմ Չեն Ինն անհետանում է։ Ընկերները մտածում են, որ նա հիվանդացել է և շուտով կվերադառնա, սակայն Կիմ Չեն Իրը այլ ծրագրեր ուներ որդու համար։
Ձերդ բասկետբոլային գերազանցությունը
Հյուսիսային Կորեայի ղեկավար Կիմ Չեն Ընի հետ հանդիպումը հեշտ չէր։ Ավելին, չափազանց դժվար էր նույնիսկ մի քանի բառ փոխանակել։ Երբ ԱՄՆ նախագահ Բարաք Օբամայի բարձրաստիճան ներկայացուցիչները եկան Փհենյան խոսելու միջուկային և հրթիռային փորձարկումների մասին, նրանք միայն հանդիպումներ ունեցան փոքր պաշտոնատար անձանց հետ։ Google-ի տնօրենների խորհրդի նախագահ Էրիկ Շմիդտը Նյու Մեքսիկոյի նախկին նահանգապետի հետ գալով ԿԺԴՀ նույնպես դուրս մնաց աշխատանքից։ Բրիտանական դիվանագետը Կիմ Չեն Ընի հետ երկու բառի համար ստիպված էր սահել ամերիկյան լեռների վրայով։ Թում էր, թե ամեն ինչ անիմաստ է։
Սակայն, 2013թ.-ի փետրվարին VICE-ի լրագրողները, ովքեր հայտնի են իրենց խիզախ զեկույցներով աշխարհի ամենավտանգավոր և ամենահետաքրքիր անկյուններից որոշեցին գնալ Հյուսիսային Կորեա։ Նպատակն էր ցույց տալ ռեժիմի իրական դեմքը։ Մեթոդը բասկետբոլի համատեղ խաղն էր։ Փհենյանում վայրէջք կատարեց VICE-ի թղթակցի ինքնաթիռը Չիկագո Բուլսի երեք խաղացողների՝ Հառլեմ Գլոբթրոթերսի և Դենիս Ռոդմանի հետ։ Հյուրերը վերապատրաստվում էին տեղական բասկետբոլային թիմում, դիտում դելֆինարիումում ներկայացումներ և նույիսկ ծանոթացան կանացի կրծքերի մեծացնելու համար նախատեսված հյուսիսկորեական սարքին։ Այնուհետև նրանց հրավիրեցին շքեղ խանութ, որտեղ այլ հաճախորդներ չկային, բայց ոչինչ գնել չհաջողվեց։ Փոխարենը կար անհարմարության և անհեթեթության աստվածացում. այցելությունը «համակարգչային լաբարատորիա», որտեղ տասնյակ կորեցիներ լռության մեջ նստած էին նայելով մոնիտորներին և նույնիսկ չշարժելով մկնիկները։ Բայց իրական անակնկալը եղավ հաջորդ այցելության ժամանակ։ Բասկետբոլիստները գիտեին, որ նրանք պետք է խաղան Հյուսիսային Կորեայի ընկերակիցների համատեղ թիմում, բայց նրանք չէին ենթադրում, թե որքան վիթխարի խաղ է լինելու։
Հազարավոր մարդիկ պոռթկացին «Ապրիր 10 հազար տարի» ցատկելով իրենց տեղերից, երբ Կիմ Չեն Ընը բարձրացավ հսկայական մարզադաշտի ամբիոնը։ Ամերիկացի հյուրերը, թվում էր, չէին հավատում իրնց աչքերին. ղեկավարի ձախ կողմում նստած էր Ռոդմանը։ Խաղն անցավ մի քիչ տարօրինակ։ Պաշտպանություն գրեթե չկար, խաղացողները հարվածում և հարվածում էին։ Չնայած նրան, որ հյուսիսկորեացիները հնարել էին ձայների հաշվարկի սեփական կանոնները (օրինակ, խփած գոլերը վերջին երեք րոպեներում թիմը ավելարեց ոչ թե 2, այլ միանգամից 8 միավոր, սակայն տուգանային հարվածով մեկ միավոր հեռացվեց) խաղն ընթանում էր NBA-ի կանոններով։ Թիմերից մեկը երբեմն հավաքում էր 20 միավոր, սակայն վերջնական հաշիվը հավասար էր՝ 110։110։
Հանկարծ խոսեց Ռոդմանը։ Նա շնորհակալություն հաjտնեց կորեացիներին իրենց պատվի արժանացնելու, բարեկամության և հյուրընկալության համար։ «Պարոն, ես ձեր ընկերն եմ մինչև կյանքիս վերջը»,-ասաց նա շրջվլով դեպի Կիմ Չեն Ընը։ Վերջինս մեկնեց ձեռքը իր նոր ընկերոջը և դահլիճը կրկին պայթեց բուռն ծափահարություններով։ Այնուհետև բոլորին ուղեկցեցին ղեկավարի հետ ճաշի, որտեղ սկսվեց հանպատրաստից երեկույթը. Հյուսիսկորեական համույթը «Рокки» ֆիլմից երաժշտական կատարմամբ հանդես եկավ, Ռոդմանը Կիմ Չեն Ընի համար երգեց Ֆրենկ Սինատրայի My Way-ը, իսկ թարգմանիչը նվագակցեց նրան սաքսաֆոնով։
Իմ նպատակն է հալեցնել սառույցը պատերազմող երկրների միջև։ Երք չեմ իմանա, թե ինչու այն ինձ բաժին ընկավ։ Պարզապես մտածեք՝ աշխարհի բոլոր մարդկանցից հենց Դենիս Ռոդմանը։ Առհասարակ, մեզ բոլորիս պաշտպանելը իմ պարտականությունը չէ։ Սա սև տղայի գործն է (նկատի ունի ԱՄՆ նախագահ Բարաք Օբամային)։
Բոլոր կորեացի երեխաների լավագույն ընկերը
Հաստատվեց, կարծես թե իրական բարեկամություն։ 2013թ.-ի մայիսին Ռոդմանը բացեիբաց խնդրեց Կիմ Չեն Ընին՝ ազատ արձակել կորեա-ամերիկյան քահանա Քենեթ Բեյին, որը դատապարտվել էր 15 տարվա ազատազրկման իշխող ռեժիմը տապալելու փորձի համար։
«Իմ նպատակն է հալեցնել սառույցը պատերազմող երկրների միջև։ Երք չեմ իմանա, թե ինչու այ ինձ բաժին ընկավ։ Պարզապես մտածեք՝ աշխարհի բոլոր մարդկանցից հենց Դենիս Ռոդմանը։ Առհասարակ, մեզ բոլորիս պաշտպանելը իմ պարտականությունը չէ։ Սա սև տղայի գործն է (նկատի ունի ԱՄՆ նախագահ Բարաք Օբամային)։ Գիտեք ինչ, եթե ես չլինեմ Նոբելյան մրցանակաբաշխության առաջատար 3 անվանակարգում, ուրեմն ինչ-որ բան այն չէ,- պատմում էր նա լրագրողներին։ Սակայն, մարզիկը շեշտեց, որ նա դիվանագետ չէ, այլ առաջին հերթին ցանկանում է զարգացնել բասկետբոլը Հյուսիսային Կորեայում։ Ռոդմանն ամեն անգամ խնդրում էր Օբամային վերջապես զանգել Կիմ Չեն Ընին և անձամբ խոսել նրա հետ, բայց ամերիկացի առաջնորդը չէր լսում նրա հորդորները։ Բասկետբոլիստը սեպտեմբերին վերադարձավ Փհենյան։ Այդ ժամանակ նրան նույնիսկ հաջողվեց Կիմ Չեն Ընի նորածին դստերն առնել ձեռքերի մեջ, իսկ դեկտեմբերին նա մարզեց տեղական բասկետբոլային թիմին ընկերական խաղի համար, որը նշանակվել էր նրա ղեկավարի ծննդյան օրը 2014թ.-ին։ Մարզիկը Կիմ Չեն Ընին խոստացավ բերել NBA-ի մի քանի աստղերի։ Խաղն իսկապես կայացավ, վեց վետերան բասկետբոլիստները խաղում էին ԿԺԴՀ-ի թիմի դեմ և պարտվեցին 47։39 հաշվով։
Ռոդմանը կրկին հայտվեց ուշադրության կենտրոնում։ Փառահեղ մարշալին ուղղված Happy Birthday to You երգի կատարումը հայտնվեց ամբողջ ամերիկյան լրատվամիջոցներում։ Ինչ-որ մեկը հայհոյեց բասկետբոլիստին արյունոտ բռնապետի և մարդասպանի ձեռքը բռնելու համար, իսկ մեկ ուրիշն էլ նշեց, որ մեկ տարօրինակ մարզիկը երկրների միջև լավ հարաբերությունների համար անում է ավելին, քան ամբողջ Պետդեպարտամենտը։ Այցելությունից հետո Ռոդմանը խոստովանեց, որ լավագույնս անցկացրեց ժամանակը կորեացի ղեկավարի հետ։ Նրանք դահուկավարում էին, ձի հեծնում, կարաոկե երգում։ Բասկետբոլիստը, սակայն, տարբերվեց վիճահարույց հայտարարությամբ։ Ակնարկեց, որ քարոզիչ Բեյը կարող էր արժանանալ Հյուսիսային Կորեայի բանտերի խոշտանգումներին։ Այնուամենայնիվ, քննադատություններից հետո անմիջապես փոխեց իր միտքը և խոստովանեց, որ նախորդ օրը միտքն իմի է բերել, նյարդայնացել է և ընդհանրապես պետք չէր քաղաքական հայտարարություններ անել։ Նա նամակ ուղարկեց Կիմին՝ խնդրելով ազատ արձակել Բեյին։ Քարոզիչն ազատ արձակվեց մեկ շաբաթում։
Հաջորդ անգամ Ռոդսմանը եկավ Փհենյան 2017թ.-ին, ընտրություններում Դոնալդ Թրամփի հաղթանակից հետո։ Նա հյուսիսկորեական բռնապետին բերեց ամերիկացի նախագահի «Գործարքի մշակույթ » գիրքը, որը ստիպված էր հանձնել Սպորտի նախարար Կիմ Իր Գուկի միջոցով։ «Ես կարծում եմ, նա [Կիմ Չեն Ըն] այդ ժամանակ չէր հասկանում, թե ով է Դոնալդ Թրամփը, բայց, կարդալով գիրքը սկսեց հասկանալ նրան»,- պատմում էր բասկետբոլիստը հետագայում։ Վերջին անգամ մարզիկի անունը թնդաց հունիսի 12-ին համաշխարհային լրատվամիջոցներով, երբ Թրամփն ու Կիմ Չեն Ընը վերջապես հանդիպեցին։ Ռոդմանը «Վերադարձնենք Ամերիկային նախկին մեծությունը» գրությամբ հարցազրույց տվեց CNN-ին։ «Այնտեղ գնալով և վերադառնալով ես ստացա սպանության մի շարք սպառնալիքներ թեև ես միայն փորձում էի պաշտպանել բոլորին։ Ես հավատացել եմ Հյուսիսային Կորեային։ Ես նույնսիկ տուն չեմ կարողանում մտնել։ Ստիպված էի թաքնվել ամբողջ ամիս։ Բայց ես իմ գլուխը բարձր պահեցի. Ես գիտեի, որ ամեն ինչ կփոխվի։ Միայն ես գիտեի դա»,- արցունքներն աչքերին ասաց նա հեռուստաընկերության թղթակցին։ Նա կրկին մեղադրեց Օբամային իրեն չլսելու, հնարավորություն չտալու երկու երկրների միջև կամուրջներ կառուցելու համար և հատուկ ուշադրություն դարձրեց «Թրամփ» կարգախոսով իր գլխարկին։
«Մնացած ամեն ինչ Դոնալդ Թրամփի և Սպիտակ տան ձեռքերում են. Ես վերջ, հանձնում եմ դիրքս։ Ես պարզապես երջանիկ եմ լինել այստեղ և տեսնել, որ բոլորն էլ մտահոգվեցին ինչպես և ես։ Սա Դոնալդ Թրամփի շնորհիվ է, որովհետև նա գնաց և արեց դա»,- վստահեցնում է Ռոդմանը։
Այնտեղ գնալով և վերադառնալով ես ստացա սպանության մի շարք սպառնալիքներ թեև ես միայն փորձում էի պաշտպանել բոլորին։ Ես հավատացել եմ Հյուսիսային Կորեային։ Ես նույնսիկ տուն չեմ կարողանում մտնել։ Ստիպված էի թաքնվել ամբողջ ամիս։ Բայց ես իմ գլուխը բարձր պահեցի. Ես գիտեի, որ ամեն ինչ կփոխվի։ Միայն ես գիտեի դա ։
Եվ չնայած երկու երկրների միջև հաշտեցման գործընթացը դեռևս ընթանում է ոչ այնքան հարթ, բայց տարօրինակ բասկետբոլիստը, հավանաբար, հավերժ կմնա երկկողմ հարաբերությունների պատմության մեջ որպես ամենանսպասելի դիվանագետ։
Հրապարակման բնօրինակը Lenta.ru կայքում։