Ամերիկացի հայտնի դերասան Քեվին Սփեյսին իր նկատմամբ սեքսուալ ոտնձգության մեղադրանքից հետո առաջին անգամ տեսաուղերձ է հրապարակել։ Սփեյսին տեսանյութում խոսում է «House of Cards» սերիալում իր մարմնավորած կերպարի՝ Ֆրենկ Անդերվուդի անունից:
«Իհրակե, նրանք փորձեցին բաժանել մեզ, բայց այն ինչ կա մեր մեջ, շատ ամուր է։ Վերջիվերջո, մենք կիսվել ենք իրար հետ ամեն ինչով։ Ես պատմել եմ Ձեզ իմ սրբազան գաղտնիքները։ Ես Ձեզ ցույց եմ տվել, թե մարդիկ ինչերի են ընդունակ։ Ես ապշեցրել եմ Ձեզ իմ ազնվությամբ, բայց ամենից հաճախ՝ ես Ձեզ մարտահրավեր եմ նետել և ստիպել եմ մտածել։ Դուք հավատացել եք ինձ՝ գիտակցելով, որ չպետք է դա անեք»,- ասում է Սփեյսին իր ուղերձում։
Դերասանը վստահ է, որ հանդիսատեսը ցանկանում է իր վերադարձը։
«Ես գիտեմ՝ ինչ եք Դուք ուզում։ Դուք ուզում եք, որ ես վերադառնամ։ Իհարկե, որոշ մարդիկ հավատում են ամեն ինչին և սպասում են, որ ես ապաշխարհեմ։ Նրանք վստահ են, որ ես ստացել եմ ինչին արժանի եմ եղել։ Բայց Դուք չե՞ք հավատում չէ անհիմն բաների»։- շարունակում է նա։
«Անկախ այս բոլոր անհեթեթություններին, թշնամանքին, հնչեղ վերնագրերին, առանց դատարանի ինձ իմպիչմենտ հայտարարելուն, անկախ ամեն ինչից՝ նունիսկ սեփական մահից, ես ինձ զարմանալիորեն լավ եմ զգում։ Իմ վստահությունն օրեցօր աճում է առ այն , որ Դուք շուտով իմանալու եք ողջ ճշմարտությունը։ Բայց սպասեք… մյուս կողմից, եթե խորը մտածեք, դուք չեք տեսել իմ մահը։ Ճիշտ եմ չէ՞։ Ձեր եզրակացությունները կարող են սխալ լինել։ Կարոտել ե՞ք ինձ»,- իր խոսքն ավարտում է Սփեյսին։