1990 թվականին նկարահանվում է մի բացառիկ հարցազրույց՝ Հրանտ Մաթևոսյանի հարցազրույցը Համո Սահյանի հետ։
Բանաստեղծությունը հողի, օդի և մարդու արյան մեջ է։ Գրականությունը օգնել է բացահայտել ինքս ինձ և միջավայրը,- ասել է Համո Սահյանը։
Սահյանի գիրը վկայություն է, հովվերգություն չէ։
Եթե քեզ արտոնես բանաստեղծության միջից հանել պոեզիան ու ասես՝ Սահյանի «Վարք մեծացը» տարեգրություն է ու ինքն էլ տարեգիր, եթե պնդես, որ պապը այս հողի Ադամն է ջրերի գերությունից ազատված այս հողի վրա ոտք դրած առաջին մշակը, ավելի շաղվածի տպավորություն չես թողնի, քան եթե հովվերգություն կամ հովվերգու ես ասում։
Ժամանակի բանաստեղծ Սահյանն զրույցի ժամանակ ասում է՝ Թումանյան կարդալուց հետո ամեն անգամ թևերս թափվում են, բայց որոշ ժամանակ անց թվում է, թե այդ նույն մարդն ինձ այնպիսի թևեր տվեց, որ բարձրացրեց և հանեց ինձ իմ միջից։