Վազգեն Մանուկյան

Հայ ազգային, պետական, քաղաքական գործիչ, մաթեմատիկոս Վազգեն Մանուկյանը ծնվել է 1946 թվականի փետրվարի 13-ին Գյումրիում Մեծ Եղեռնի ժամանակ Մոկսից Երեւան գաղթած Մանուկյանների ընտանիքում։ 1963-1968 թվականներին սովորել է Երևանի պետական համալսարանում, 1966-1967 թվականներին՝ Մոսկվայի պետական համալսարանում, 1969-1972 թվականներին եղել է Միութենական ակադեմիայի Նովոսիբիրսկի բաժանմունքի ասպիրանտ։

Մանուկյանը քաղաքական գործունեությունը սկսել է ուսանողական տարիներից: Ուսանողական տարիներից ի վեր, մինչև 1988 թ. եղել է տարբեր քաղաքական կազմակերպությունների անդամ և կազմակերպիչ: 1988 թ. փետրվարից «Ղարաբաղ» կոմիտեի անդամ էր, 1988 թ. հունիսից` «Ղարաբաղ» կոմիտեի կոորդինատորը: ԱԺՄ վարչության առաջին նախագահն էր, Հայաստանի երկրորդ հանրապետության առաջին վարչապետը: 1991 թ. սեպտեմբերի 26-ին Վազգեն Մանուկյանը հրաժարական է տվել վարչապետի պաշտոնից: 1991 թ. շարժման ակտիվ մասնակիցների և համախոհների հետ նախաձեռնել է ԱԺՄ կուսակցության հիմնադրումը: 1992 թ. սեպտեմբերին նշանակվել է ՀՀ պետնախարարի, այնուհետև պաշտպանության նախարարի պաշտոնակատար` միաժամանակ ղեկավարելով ՀՀ արդյունաբերական համալիրը:

Վազգեն Մանուկյանը 1990-2007 թթ. եղել է  ՀՀ ԱԺ պատգամավոր, Ազգային ժողովրդավարական միություն (ԱԺՄ) կուսակցության նախագահ, 2009-2019 թվականներին ՝ ՀՀ Հանրային խորհրդի նախագահ։ 2019 թվականին հիմնադրել է «Վերնատուն» ակումբը։

Հրապարակախոսություն
Գնացքից թռչելու ժամանակն է
Մենք վերադառնում ենք

Հարցազրույցներ
Հարկավոր է հաղթել, երբ պարտադրում են