«Ժողովրդի ծառաները»` պետական ծառայողներ

Երկրորդ փուլում Վլադիմիր Զելենսկիի հաղթանակից անմիջապես հետո իմ արտահայտած ենթադրություններն այն մասին, թե վերջինս իր նախագահությունը կկառուցի որպես մեծ ուկրաինական շոու, սկսում են իրականանալ։ Ինչպե՞ս կարելի է գնահատել Գերագույն ռադան արձակելու և շտապ, ավելի ճիշտ, հրատապ խորհրդարանական ընտրություններ նշանակելու վերաբերյալ ընտրված նախագահի մտադրությունը։ Եվ սա այն դեպքում, երբ հաջորդ ընտրությունների անցկացմանը մնացել է ընդամենը հինգ ամիս։ Նույնիսկ եթե այդ մտադրությունը սահմանադրական է  (իսկ ըստ էության՝ ոչ) ու՞մ է դա անհրաժեշտ։  Անկախ նրանից Զելենսկիին կհաջողի արձակել Ռադան, թե՞ ոչ, բայց ամեն դեպքում նա ունի նման մտադրություն և այն պետք է գնահատել։

Ու՞մ է պետք այս մրցավազքն, այս աժիոտաժը, այս շոուն։ Ինչի՞ համար է այն։ Ուկրաինան իր անկախության գրեթե երեք տասնամյակների ընթացքում չի կարողանում իրական բարեփոխումներ անցկացնել և պայքարել կոռուպցիայի դեմ  (բազմիցս վիճել եմ իմ ընդդիմախոսների հետ այն հարցի շուրջ, որ երկրին, իրենց կարծիքով, ժամանակ է անհրաժեշտ, չորրորդ դարը բավարար չէ անցյալի ժառանգությունը հաղթահարելու համար)։

Իսկ հիմա ահա պարզվում է, որ անհնար է մի քանի ամիս սպասել, որ ամեն ինչ տեղի ունենա իր սահմանադրական հունով և սահմանադրական կարգով, որպեսզի Ուկրաինայի բնակիչները բավարար ժամանակ ունենան և սթափ ու սառը գլխով կարողանան պատասխանատու և կանխամտածված որոշում կայացնել։ Աժիոտաժային մրցավազք՝ շուտով, շուտով։ Փոփոխություններ՝ այստեղ և հիմա։ «Մենք ենք, մենք նոր աշխարհն ենք…»։

Արդյոք Զելենսկին վախենում է, որ 5 ամիս անց իր «Ժողովրդի ծառա» կուսակցությունը ամենավատ շանսերը կունենա, քան հիմա է, երբ նա ունի լեգիտիմության նման բարձր աստիճան։ Ինտերնետային մեկնաբաններից մեկը ճիշտ և ուշագրավ նշել է, որ ժողովուրդը (72%) ժամանակ չուներ հասկանալու Զելենսկիի և Գոլոբորոդկոյի տարբերությունը։ Ի՞նչ է ստացվում։ Պարոն Շտապողն այդքան շտապում է իր կողմնակիցներին բերել Ռադա, որովհետև կասկածում է, որ մի քանի ամիս անց նա կունենա լեգիտիմության ներկայիս աստիճանը։ Այսինքն՝ նա էլ այնքան չի հավատում իր նախագահության հաջողությանը։ Իսկ ի՞նչ կստանա երկիրն հինգ տարի անց նրա պաշտոնավարումից հետո։

Զելենսկին ցանկանում է  արագ փոխարինել Ռադան, որը բաղկացած է սնանկացած էլիտայի ներկայացուցիչներից, կոռումպացված պաշտոնյաներից և գողերից, իրենց կաշին պետության հետ շփոթողներից։ Այսպես, 450 գողեր և կաշառակերներ Զելենսկիի կախարդական փայտիկի օգնությամբ դատելու են 450 ազնիվ անշահասերների։ Զվարճալի չէ՞։

Արդյոք որևէ մեկը հավատում է նման հնարավորությանը։ Առհասարակ այսքան շատ ազնիվ պատգամավորներ որտեղի՞ց են գալիս ծայրեծայր կոռումպացված Ուկրաինա։ Ես իհարկե Ստանիսլավսկին չեմ, բայց չեմ հավատում։ Սակայն, եթե անգամ ենթադրենք, որ նման բան սկզբունքորեն հնարավոր է, ապա ինչու՞ այս 450 ազնիվ անշահասերները չեն կարող դիմանալ մի քանի ամիս։ Ինչու՞ հենց հիմա պետք է կազմակերպել արտահերթ ընտրությունների այս մրցավազքը։

Ես արդեն գրել եմ, որ Վլադիմիր Զելենսկիի պոպուլիստական ոճն ինձ հիշեցնում է իշխանության եկած երիտասարդ Ալեքսանդր Լուկաշենկոյին։ Նա խոստացավ վերականգնել կարգը և պայքարել կոռուպցիայի դեմ։ Ճիշտ է, Ուկրաինան այս առումով Բելառուս չէ, այստեղ Զելենսկիին եթե տեսնեն, որ նա Գոլոբորոտկոն չէ թույլ չեն տա շրջել ճաշարանով։ Չի՞ կարող արդյոք այնպես լինել, որ հաղթանակի էյֆորիայի մեջ նախագահ Զելենսկին շտապելով անցկացնի արտահերթ խորհրդարանական ընտրություններ և ընտրողները Ռադա բերեն պատգամավորների, որոնց համար, ինչպես նրանք հաշվարկում են, ամեն ինչ դեռ առջևում է։ «Ով ոչ ոք էր…»։

Հին և լավ կերակրվող գայլերի փոխարեն՝ երիտասարդ և սոված։

Հոդվածի բնօրինակը՝ Eжедневный Журнал պորտալում։