Միխայիլ Աբիզովը, ով Անատոլի Չուբայսի ամենամոտ ընկերներից մեկն է եղել, երբ վերջինս «Ռուսաստանի միասնական էներգահամակարգեր» ընկերության («ՌԱՕ ԵԷՍ») ղեկավարն էր, 2012-2018 թվականներին ոչ միայն Ռուսաստանի «Բաց կառավարման» նախարարն էր, այլև կառավարության ամենահարուստ անդամը։ Forbes-ը նրա ունեցվածքը գնահատել է 600 մլն դոլար, իսկ հիմնական ակտիվների շարքում վկայակոչել է RU-COM խումբը, որը ներառում է էլեկտրական («Сибэко», «Элсиб») և գյուղատնտեսական («Копитания») ընկերությունները։ 2018 թվականի մայիսին՝ «Բաց կառավարման» լուծարվելուց հետո Միխայիլ Աբիզովն շատ ժամանակ անցկացրել է արտասահմանում։
«Նա չի համարձակվել վերադառնալ Ռուսաստան, քանզի գործը, որի հետ նա անուղղակիորեն կապված էր, արդեն հայտնվել էր քննչական մարմինների ուշադրության կենտրոնում»,- «Իզվեստիա»-ին պատմել է իրավապահ մարմիններին մոտ գտնվող աղբյուրը։
«Իզվեստիա»-ի զրուցակիցը հաստատել է, որ քննչական մարմիններն արդեն հետաքրքրություն են ցուցաբերել Միխայիլ Աբիզովի և նրա հետ կապված կառույցների նկատմամբ։ Նա նաև կասկածվում է վարկային խարդախություններ անելու մեջ։ 2016 թվականի մարտին «Группа Е4» ընկերության ղեկավարության դեմ վարկային խարդախության վերաբերյալ քրեական գործ է հարուցվել, որը Միխայիլ Աբիզովի RU-COM խմբի մի մասն է և, որը նա վաճառել է նախքան 2015 թվականին սնանկ ճանաչվելը։ Վարկատուները Ալֆա-բանկ-ը և Կիպրոսի Redeliaco Holdings ՍՊԸ էին, որոնց հատկացվել է 33 մլրդ ռուբլի գումար։
Իրավապահ մարմիններին մոտ կանգնած «Իզվեստիա»-ի աղբյուրը ճշտել է՝ Ռուսաստանից Աբիզովին տրվել է 1,3 մլրդ ռուբլի ԱՄՆ-ում արևային մարտկոցներ ստեղծելու գործում ներդրումներ անելու պատրվակով։ Անցյալ տարվա ամռանն այս գործով ձերբակալվեցին «Роснано»-ում Անատոլի Չուբայսի նախկին ավագ խորհրդական և Աբիզովի մոտ ընկեր Միխայիլ Չուչկևիչը, ինչպես նաև ներդրումային բաժնի նախկին տնօրեն և Ռուսական վենչուրային ընկերության անդամ Յան Ռյազանցևը։ Մարտի 15-ին Չուչկևիչը երկրից չբացակայելու պայմանով ազատ է արձակվել քննչական մեկուսարանից, բայց ընկերները զգուշացրել են Աբիզովին՝ դեռ չարժե տուն վերադառնալ։
« Այստեղ նրան «խորամանկությամբ դուրս հանեցին»։ Ավելին, այս գործողության մեջ ներգրավված էր ամենաազդեցիկ մարդկանցից մեկը, որին Աբիզովը շատ էր վստահում և, ով նրան վստահեցրել էր, որ «ամեն բան կարգին է»։ Աբիզովը մեկ շաբաթ առաջ էր վերադարձել և իր դեմ որևէ գործողություն չնկատելով՝ հանգստացել էր, սակայն արդեն երեքշաբթի օրը նրան բերեցին ՌԴ քննչական կոմիտե»,-պատմում է «Իզվեստիա»-ի զրուցակիցը։ Այն հոդվածները, որոնց վերաբերյալ ՌԴ Քննչական կոմիտեի մասնավորապես կարևոր հարցերի ուսումնասիրության գլխավոր վարչությունը քրեական գործ է հարուցել, լուրջ են։ Գործում ներգրավված անձինք են Նիկոլայ Ստեփանովը, Մաքսիմ Ռուսակովը, Գալինե Ֆրայդենբերգը, Ալեքսանդր Պելիպասովը և Սերգեյ Իլիչևը, որոնց սպառնում է նաև ՌԴ «Քրեական համայնքի ստեղծման և մասնակցության» 210-րդ հոդվածը, որի համար կարող են դատապարտվել 20 տարվա ազատազրկման։
Ինչպես հաղորդել են Քննչկան կոմիտեում, 2011 թվականի ապրիլից մինչև 2014 թվականի նոյեմբերը Աբիզովը և նրա ընկերները խաբել են «Սիբիրյան էներգետիկ ընկերություն» ԲԲԸ-ի և «Տարածաշրջանային էլեկտրական ցանցեր» ԲԲԸ-ի բաժնետերերին, որոնք իրականացնում են Նովոսիբիրսկի մարզի էլեկտրաէներգիայի արտադրությունն ու փոխանցումը։ Համաձայն հետաքննության, Աբիզովն այդ ընկերություններից 4 մլրդ ռուբլու չափով դրամական միջոցներ է գողացել և այդ բոլոր միջոցներն իր հետ արտասահման տարել։ Ըստ քննիչների, խմբի գործողությունները որակվում են որպես կայուն տնտեսական զարգացմանը և երկրի որոշ շրջաններում էներգետիկ անվտանգությանն ուղղված սպառնալիք։ Նախևառաջ խոսքը Նովոսիբիրսկի մարզի մասին է։
Աղբյուրը հիշեցնում է, որ Միխայիլ Աբիզովը եղել է «Ռուսաստանի միասնական էներգահամակարգեր» ընկերության լավագույն ղեկավարներից մեկը, ով հաջողությամբ օգտագործել է իր պաշտոնական դիրքը և ապահովել է իրեն պատակոնղ «Группа Е4» ինժեներական ընկերությանը էներգաբլոկների արտադրության նոր ծրագրերով։ Միևնույն ժամանակ «Группы Е4»-ի հարաբերությունները գեներացնող ընկերությունների հետ այնքան էլ լավ չէին զարգանում, հայտնում է աղբյուրը։ «Մանսավորապես՝ ИнтерРАО-ն դադարեցրել է Պերմի պետական էլեկտրակայանի շինարարության պայմանագիրը, իսկ ОГК-2-ը (ներառյալ «Գազպրոմ էներգահոլդինգը») խլել է 3,5 մլրդ ռուբլի և դադարեցրել է պայմանգիրը Е4-ի՝ իր պարտականությունների չկատարման պատճառով»,- հիշեցնում է աղբյուրը։
Էերգետիկ անվտանգության հիմնադրամի տնօրեն Սերգեյ Պիկինը նշել է, որ Միխայիլ Աբիզովի ինժեներական ընկերությունը չի կարողացել անցնել «հասունացման շրջանը», երբ երաշխավորված պատվերները մնացին անցյալում։ ИнтерРАО-ի մամուլի քարտուղար Նիկոլայ Գորելովը հիշեցրել է, որ նրանք դատի են տվել Աբիզովի ընկերությանը, քանի որ այն խափանել է պայմանագրի կատարման ժամկետները։ Երկրի ղեկավարի մամլո քարտուղար Դմիտրի Պեսկովը հայտարարել է, որ նախագահին նախօրոք տեղեկացրել են նախկին պաշտոնյայի ձերբակալության մասին։ Փորձագետների կարծիքով, դա նշանակում է, որ «Աբիզովի գործը» կարող է ուենալ հեռու գնացող հետևանքներ։ Նախկին նախարարի հետաքննությունը կօգտագործվի տարբեր էլիտար խմբերի և քաղաքական ուժերի կողմից իրենց շահերի համար, համոզված է «քաղաքական փորձագետների խմբի» ղեկավար Կոնստանտին Կալաչևը։
Միխայիլ Աբիզովի դեմ մեղադրանքների պատմությունը միանշանակ սթրեսային է ինչպես էլիտաների, այնպես էլ իշխանության համար՝ համաձայն «Պետերբուրգի քաղաքականության» հիմնադրամի ղեկավար Միխայիլ Վինոգրադովի։ Վերջինս ձերբակալությունը մեկնաբանում է որպես ազդանշան առ այն, որ չկան անձեռնմխելիներ և Ռուսաստանում կրկին հնարավոր է ձերբակալել կառավարության անդամներին, թեկուզ նախկին։ Սկզբում կարող է թվալ, թե «Աբիզովի գործը» կարող է ազդել Դմիտրի Մեդվեդևի հետագա առաջադրման վրա, բայց ինչպես նախկինում, այն չի հանգեցնի վարչապետի դիրքերի թուլացմանը։
Հրապարակման բնօրինակը՝ «Известия»-ի կայքում։