Մակրոնի հոդվածը Եվրոպայի վերածննդի մասին

Եվրոպայի քաղաքացինե՛ր,

Ես  անմիջականորեն դիմում եմ ձեզ ոչ միայն մեզ միավորող արժեքների և պատմության անունից։ Նաև նրա համար, որ ժամանակը կարևոր նշանակություն ունի։ Մի քանի շաբաթ անց եվրոպական ընտրությունները որոշիչ կդառնան մեր մայրցամաքի ապագայի համար։ Սկսած Երկրորդ համաշխարհային պատերազմից Եվրոպան երբեք այսքան կարևոր չի եղել։ Այնուամենայնիվ Եվրոպան երբեք այսքան մեծ վտանգի մեջ չի եղել։

Brexit-ը դրա խորհրդանիշն է։ Այն խորհրդանշում է Եվրոպայի ճգնաժամը, որը ձախողվեց իր ժողովրդի՝ ժամանակակից աշխարհի խոշոր ցնցումներից պաշտապանվելու կարիքին արձագանքելիս։ Այն նաև խորհրդանշում է եվրոպական ծուղակը։ Ծուղակը Եվրոպական միության մաս չի հանդիսանում։ Ծուղակը ստի և անպատասխանատվության մեջ է, որը կարող է ոչնչացնել այն։ Ո՞վ է պատմել բրիտանացիներին Brexit-ից հետո իրենց ապագայի մասին։ Ո՞վ է խոսել նրանց հետ եվրոպական շուկա մուտք գործելու հնարավորության կորստի մասին։ Ո՞վ է մատնանշել Իռլանդիայի սահմանի վերականգնմամբ խաղաղությանը սպառնացող ռիսկը։ Ազգայնականները չեն առաջարկում ոչինչ․ նրանց առանց այլընտրանքի մերժումն է։ Եվ այս ծուղակը վտանգում է ամբողջ Եվրոպան. զայրացած վաճառականները, շրջապատված կեղծ լուրերով,  խոստանում են ամեն ինչ և բոլորին։

Մենք պետք է ամուր, հպարտ և հասկանալի լինենք այս մանիպուլացիայի առաջ և առաջին հերթին ասենք, թե ինչ է Եվրոպան։ Այն պատմական հաջողություն է․ ավերված մայրցամաքի միավորումն աննախադեպ խաղաղության ու բարգավաճման ծրագրով։ Մենք երբեք չպետք է մոռանանք դա։ Եվ այս ծրագիրը շարունակում է պաշտպանել մեզ այսօր։ Ո՞ր երկիրը կարող է ինքնուրույն գործել մեծ տերությունների ագրեսիվ ռազմավարությունների առջև։ Ո՞վ կարող է ինքնուրույն պահպանել ինքնիշխանությունը թվային հսկաների առաջ։ Ինչպե՞ս կարող ենք դիմակայել ֆինանսական կապիտալիզմի ճգնաժամին առանց եվրոյի, որն ամբողջ Եվրոպական միության ուժն է։  Եվրոպան նաև այս հազարավոր ծրագրերն են, որոնք օրական փոխել են մեր տարածաշրջանների դեմքը՝ դպրոցների վերանորոգում, ճանապարհների կառուցում, երկար սպասված մեծ արագությամբ ինտերնետի ժամանում։ Սա ամենօրյա պայքար է, որովհետև Եվրոպան, ինչպես խաղաղությունը, երբեք չի կարող շնորհվել։ Ես անխոջ անում եմ դա Ֆրանսիայի անունից՝ Եվրոպան առաջ տանելու և նրա մոդելը պաշտպանելու համար։  Մենք ցույց ենք տվել, որ այն ինչ մենք ասել էինք, անթույլատրելի  էր. եվրոպական պաշտպանական ներուժի ստեղծումը և սոցիալական իրավունքների պաշտպանությունն իրականում հնարավոր է։

Այնուամենայնիվ մենք պետք է ավելի շատ ու հապճեպ գործենք, որովհետև կա մի այլ ծուղակ՝ ստատուս–քվոյի և հրաժարականի ծուղակը։ Աշխարում լուրջ ճգնաժամերի առջև կանգնած քաղաքացիները հաճախ հարցնում են «Ու՞ր է Եվրոպան։ Ի՞նչ է անում Եվրոպան»։ Այն նրանց աչքերում դարձել է անհոգի շուկա։ Սակայն Եվրոպան միայն շուկա չէ։ Այն ծրագիր է։ Շուկան օգտակար է, բայց այն չպետք է հեռանա սահմաններից, որոնք պաշտպանում է և արժեքներից, որոնք միավորում է։ Ազգայնականները մոլորեցնում են, երբ նրանք պնդում են, որ դուրս գալով Եվրոպայից պաշտպանում են մեր ինքնությունը, որովհտև եվրոպական քաղաքակրթությունն է, որ միավորում, ազատագրում և պաշտպանում է մեզ։

 Բայց նրանք, ովքեր ոչինչ չեն փոխում նույնպես գտնվում են մոլորության մեջ, որովհետև նրանք մերժում են մեր ժողովուրդների զգացած վախերը, կասկածները, որոնք քայքայում են մեր ժողովրդավարությունը։ Մենք ապրում ենք մեր մայրցամաքի համար կարևորագույն ժամանակում՝ մի ժամանակ, երբ փոփոխվող աշխարհում  մենք միասին պետք է քաղաքականությամբ և մշակույթով վերափոխենք մեր քաղաքակրթության ձևը։ Սա եվրոպական վերափոխման պահն է։ Ուստի մերժելով մեկուսացման և անհամաձայնության գայթակղությունը՝ ես առաջարկում եմ միասին կառուցել այս վերափոխումը երեք ձգտումների շուրջ՝ ազատություն, պաշտպանություն և առաջընթաց։

Պաշտպանել մեր ազատությունը

Եվրոպական մոդելը հիմնված է մարդու ազատության և կարծիքների ու ստեղծագործական բազմազանության վրա։ Մեր առաջին ազատությունը ժողովրդավարական ազատությունն է՝ մեր առաջնորդներին ընտրելու ազատությունը, քանի որ արտաքին ուժերը ձգտում են ազդել մեր ընտրության վրա։ Ես առաջարկում եմ ստեղծել Ժողովրդավարությունների պաշտպանության եվրոպական գործակալություն, որը յուրաքանչյուր անդամ երկրի կապահովի եվրոպական փորձագետներով՝ իրենց ընտրական գործընթացը կիբեր հարձակումներից և մանիպուլացիաներից պաշտպանելու համար։ Անկախության նույն ոգով մենք պետք է նաև արգելենք եվրոպական քաղաքական կուսակցությունների ֆինանսավորումն արտաքին ուժերի կողմից։ Մենք պետք է ունենանք եվրոպական կանոներ , որոնք համացանցից կբացառեն ատելության խոսքն ու բռնությունը, քանի որ  անհատի նկատմամբ հարգանքը մեր արժանապատվության քաղաքակրթական հենքն է։    

Պաշտպանել մեր մայրցամաքը

Հիմնվելով ներքին հաշտեցման վրա՝ Եվրամիությունը մոռացել է նայել աշխարհի իրողությանը։ Այնուամենայինվ ոչ մի համայնք չի կարող ստեղծել պատկանելիության զգացում , եթե այն չունի սահմաններ, որոնք պաշտպանում է։ Սահմանն ազատություն է անվտանգության մեջ։ Հետևաբար մենք պետք է վերանայենք Շենգեն գոտին․ բոլոր նրանք, ովքեր ուզում են դառնալ դրա մաս, պետք է կատարեն պարտավորությունները (խիստ սահմանային վերահսկողություն) և ցուցաբերեն համերաշխություն (մեկ ապաստանային քաղաքականություն՝ ընդունման և մերժման նույն կանոններով)։ Մենք պետք է ունենանք ընդհանուր սահմանապահ ուժեր, խիստ վերահսկողական պարտավորություններ և եվրոպական համերաշխություն, որին յուրաքանչյուր երկիր կմասնակացի Եվրոպական խորհրդի ղեկավարության ներքո։ Ինչ վերաբերում է միգրացիային, ապա ես հավատում եմ Եվրոպային, որ պաշտպանում է և իր արժեքները և իր սահմանները։

Նույն ստանդարտները պետք է կիրառվեն պաշտպանությունում։ Վերջին երկու տարիներին զգալի առաջընթաց է գրանցվել, սակայն մենք պետք է հստակ ձևակերպենք՝ պաշտպանության և անվտանգության համաձայնագիրը պետք է սահմանի մեր հիմնական պարտավորությունները՝ կապված ՆԱՏՕ–ի և մեր եվրոպական դաշնակիցների հետ։

Մեր սահմանները նույնպես պետք է երաշխավորեն արդար մցակցություն։ Աշխարհում ո՞ր ուժը կշարունակի առևտուրը նրանց  հետ, ովքեր չեն հարգում  կաննոներից և ոչ մեկը։  Մենք չենք կարող տառապել լռությանն մեջ։ Մենք պետք է բարեփոխենք մեր մրցակցային և առևտրային  քաղաքականությունը՝ տուգանքներով կամ Եվրոպայում արգելելով այն բիզնեսները, որոնք հակասում են մեր ռազմավարական շահերին և հիմնարար արժեքներին, ինչպիսիք են բնապահպանական չափանիշները, տվյալների պաշտպանությունը, արդար հարկումը, Եվրոպական շահերի գերակայությունը ռազմավարական ոլորտներում և պետական գնումներում, ինչպես անում են մեր մրցակիցներ Չինաստանը և ԱՄՆ–ն։

Վերականգնել առաջընթացի ոգին

Եվրոպան երկրորդ կարգի ուժ չէ։ Եվրոպան ամբողջությամբ ավանգարդ է․նա է միշտ սահմանել առաջընթացի ստանդարտները։ Միևնույն ժամանակ նա պետք է մրցակցության փոխարեն առաջ տանի կոնվերգենցիայի նախագիծը։ Եվրոպան, որտեղ ստեղծվել է սոցիալական ապահովությունը, պետք է բոլոր աշխատողների համար ներկայացնի սոցիալական վահան՝ արևելքից արևմուտ, հյուսիսից հարավ՝ երաշխավորելով նույն աշխատավարձը նույն աշխտատեղի համար և յուրաքանչյուր երկրին համապատասախան և ամեն տարի հավաքականորեն քննարկված նվազագույն աշխատավաձ։

Առաջըթացի ուղով շարժվելը նաև վերաբերում է էկոլոգիական հիմնախնդիրներին։  Արդյո՞ք կկարողանանք նայել մեր երեխաների աչքերին, եթե չտանք մեր կլիմայական պարտքը։ Եվրոպական միությունը պետք է սահմանի իր նպատակակետը՝ զրոյական ածխածին մինչև 2050 թվականն և կիսով չափ կրճատված թունքաիմիկատներ մինչև 2025 թվականը և քաղաքականությունը համապասխանեցնի այնպիսի միջոցների, ինչպիսիք են Եվրոպական կլիմայական բանկը՝ էկոլոգիական անցումը ֆինանսավորելու համար, եվրոպական սննդի անվտանգության ուժերը՝ մեր սննդի վերահսկողությունը բարելավվելու համար և լոբբիստական սպառնալիքներին հակազդելու համար՝  շրջակա միջավայրի և առողջության համար վտանգավոր նյութերի անկախ գիտական գնահատումը։Այս հրամայականը պետք է ուղղորդի մեր բոլոր գործողությունները՝ Կենտրոնական բանկից մինչև Եվրոպական հանձնաժողով, Եվրոպական բյուջեից Եվրոպայի ներդրումային պլան. մեր բոլոր ինստիտուտները պետք է ունենան կլիման որպես իրենց մանդատ:

Առաջընթացն ու ազատությունը ձեր աշխատանքով ապրելու հանրավորությունն են։ Եվրոպան պետք է նայի ապագային՝ աշխատատեղեր ստեղծելու համար։ Ահա թե ինչու է անհրաժեշտ ոչ միայն կարգավորել թվային հսկաներին՝ դնելով Խոշոր պլատֆորմների եվրոպական վերահսկողության տիրույթում (արագ պատիժներ անարդար մրցակցության համար, թափանցիկ ալգորիթմներ և այլն), այլ նաև ֆինանսավորել նորարարությունները՝  բյուջե հատկացնելով Եվրոպական նորարական խորհրդին՝ ԱՄՆ—ի հետ համագործակցաբար, որպեսզի ղեկավարենք նոր տեխնոլոգիական առաջընթացները, ինչպես օրինակ արհեստական ինտելեկտը։

Համաշխարհային կողմնորոշում ունեցող Եվրոպան պետք է նայի դեպ Աֆրիկա, որի հետ մենք պետք է համագործակցենք ապագայում՝ ընտրելով նույն ճանապարհը և աջակցենք Աֆրիկայի զարգացմանն այնպիսի միջոցառումներով, ինչպիսիք են ներդրումները, ակադեմիական համագործակցությունը և աղջիկների համար կրթությունը։

Ազատություն, պաշտպանություն և առաջընթաց։

Մենք պետք է եվրոպական վերափոխումը կառուցենք այս երեք սյուների վրա։ Մենք չենք կարող ազգայնականներին թույլ տալ առանց լուծումների օգտագործել մարդկանց զայրույթը։ Մենք չենք կարող լուսնոտի պես քայլել թուլացած Եվրոպայով։ Մենք չենք կարող բիզնեսում ծածկվել սովորական և ցանկալի մտածողությունով։ Եվրոպական մարդասիրությունը պահանջում է գործողություն։ Այսպիսով՝ մինչև տարեվերջ եվրոպական կառույցների և անդամ պետությունների ներկայացուցիչների հետ եկեք ստեղծենք Եվրոպական կոնֆերանս, որպեսզի առաջարկենք մեր բոլոր քաղաքական փոփխությունները, որոնց կարիքն ունեն մեր քաղաքական նախագծերը՝ անգամ փոփոխելով պայմանագրերը։ Այս համաժողովը պետք է ընդգրկի քաղաքացիական խմբերի, գիտնականների, գործարարների և կրոնական և հոգևոր առաջնորդների։ Այն Եվրամիության համար սահմանելու է ճանապարհային քարտեզ, որն այդ կարևոր առաջնահերթությունները վերափոխում է կոնկրետ գործողությունների։ Կլինեն տարաձայնություններ, բայց ավելի լավ է ունենալ ստատիկ Եվրոպա, թե՞  Եվրոպա, որը զարգանում է, երբեմն տարբեր տեմպերով և բաց է բոլորի համար։

Այս Եվրոպայում ժողովուրդներն իրականում նորից հետ կվերցնեն իրենց ապագայի վերահսկողությունը։ Այս Եվրոպայում Միացյալ Թագավորությունը, ես վստահ եմ, կգտնի իր ճիշտ տեղը։

Եվրոպայի քաղաքացինե՛ր, Brexit-ի փակուղին դաս էր մեզ բոլորիս համար։ Մենք պետք է խուսափենք այս ծուղակից և առաջիկա ընտրություններն ու մեր նախագիծը դարձնենք իմաստալի։ Դուք եք որոշում՝ Եվրոպան և առաջընթացի արժեքները պե՞տք է լինեն ավելին քան պատմության անցողիկ դրվագ։ Սա է ընտրությունը, որը ես եմ առաջարկում՝ միասին գծել Եվրոպայի վերափոխման ճանապարհը։

Հոդվածի բնօրինակն այստեղ։