Ծիծաղելին կասեցման հիմքն է

ՀՔԾ-ն երեկ խայտառակ որոշում է կայացրել: Կասեցրել է 2016-ի հուլիսի 29-ին Սարի թաղում մեր` վնասվածքներ ստացած և բռնությունների ենթարկված լրագրողներիս, քրեական գործի վարույթը: Մարութ Վանյանը, Տիգրան Բադալյանը և ես ճանաչվել էինք տուժողներ:

Ծիծաղելին կասեցման հիմքն է` հայտնի չէ մեղադրյալ անձը: Այսպիսով, քննիչ Բեգոյանը ծաղրի է ընթարկում ոչ միայն ինքն իրեն, այլև` քննչական մարմիններին ընդհանրապես: Հետաքրքիր է` ինչ էր մտածում Սասուն Խաչատրյանը, երբ համաձայնվում էր այս խայտառակ որոշման հետ: Կամ միգուցե ինքն է հրահանգել:

Լևոն Երանոսյան և Աշոտ Կարապետյան, ահա հանցագործները, որոնց հրամանով և կազմակերպմամբ Սարի թաղում համատարած հանցագործություններ են կատարել ոստիկանները: Երջանիկ պատահականությամբ Լևոն Երանոսյանն այսօր ՀՔԾ է հրավիրվել` հեղափոխության օրերին պաշտոնեական լիազորությունները գերազանցելու համար: Ենթադրում եմ` խնդիրը հատուկ միջոցների կիրառման օրինականությանն է վերաբերում:

Նույն բանն է տեղի ունեցել նաև Սարի թաղում: Հատուկ միջոցները Երանոսյանի հրամանով կիրառվել են օրենքի կոպտագույն խախտումներով և առաջացրել են ծանր հետևանքներ: Ինչպես է հնարավոր մի դեպքում նկատել Երանոսյանի ապօրինի հրամանը, մյուս պարագայում`անտեսել նույնաբովանդակ ապօրինի հրամանը:

Կարող ենք արձանագրել, որ նոր իշխանության օրոք ՀՔԾ-ն չի հրաժարվել նախկին կեղտոտ ձեռագրից: Ցավում եմ արդարադատության հույս ունեցողներիս համար:

Ռոբերտ Անանյանի գրառումը Facebook-ում