Օրենքն արդա՞ր է

Արդարություն և օրենք` եզրույթներ, որ հաճախ ենք օգտագործում, ավելին` նույնականացնում։ Արդարություն որոնում են բոլորը, սակայն յուրովի։ Յուրաքանչյուրն արդարադատության սեփական ընկալումներն ունի և պետք է նկատել, որ այս պրոբլեմը միայն Հայաստանում չէ, որ առկա է։

Իսկ հնարավո՞ր է արդարության հասնել օրենքով` պետության ընկալման տեսանկյունից միգուցե, եթե օրենքն արդար լինի և «արդար» էլ կիրառվի, թվում է` պրոբլեմը լուծված է։

Այլ հարց է, թե արդյոք հնարավոր է այնպիսի օրենք մշակել, որ արդար լինի բոլորի համար։

Բոլորի համար իհարկե հնարավոր չէ, բայց կարևոր է, որպեսզի հասարակության լայն շերտերն այդպես ընկալեն։

Ի վերջո անհրաժեշտ է ստեղծել օրենքի երկիր, ու պետք է բոլորս ջանք ու եռանդ չխնայենք ջատագովը դառնալու այն համոզմունքի և գաղափարի, որ չի կարող լինել արդարադատություն առանց արդար օրենքի։ Իսկ քաղաքացին օրենքն արդար կարող է համարել կամ եթե օրենքն արդարադատության իր ընկալումների մեջ է կամ եթե վստահում է օրենսդիր իշխանությանը։

Իսկ այսօր մենք երկուսի պակասն էլ ունենք և օր առաջ ամեն ինչ պետ ք է անենք, որպեսզի արդարադատության այլ ընկալում հանրության մոտ չձևավորվի։