Գերմանիայի զինվորականները կանխատեսում են ԵՄ-ի փլուզման հավանականությունը

Politico.eu պարբերականը, վկայակոչելով Der Spiegel շաբաթաթերթը, հրապարակել է Գերմանիայի Զինված ուժերի կողմից մշակված զեկույցից հատվածներ, որոնցում ներկայացված սցենարներում դիտարկվում է առաջիկա մի քանի տասնամյակների ընթացքում ԵՄ-ի մասնատման հնարավորությունը:

«Գերմանիայի Զինված ուժերը դիտարկում է առաջիկա մի քանի տասնամյակների ընթացքում Եվրամիության և Արևմուտքի մասնատման հնարավորությունը:

«Ռազմավարական հեռանկար 2040» 102 էջից բաղկացած զեկույցը, որը մշակվել է այս տարվա փետրվարին և մինչև այժմ չի հրապարակվել, ուրվագծում է 6 սցենար, որոնցում ներկայացվում է թե ինչպես կարող են սոցիալական միտումները և միջազգային հակամարտություններն ազդել Գերմանիայի անվտանգության վրա:

Սցենարներից մեկում նկարագրվում է վատագույն զարգացումը, ըստ որի՝ ԵՄ-ն քայքայվում է և Գերմանիան հարկադրված է լինում դիրքավորվել «ռեակտիվ ռեժիմի» շարքում: Այս կանխատեսմամբ, միջազգային կարգը խարխլվում է «տասնամյակների անկայունությունից» հետո, արժեքային համակարգերը կորցնում են իրենց ազդեցությունը և գլոբալիզացման գործընթացը դադարում է:

ԵՄ-ի ընդլայնման գործընթացը մեծապես ընդհատվում է, մյուս երկրները լքում են համայնքը, Եվրոպան կորցնում է իր գլոբալ մրցակցությունը»,- ասվում է Der Spiegel- ի զեկույցում: «Աճող անկարգությունները, երբեմն քաոսը և հակամարտության հակված աշխարհը կտրուկ կերպով փոխում են Գերմանիայի և Եվրոպայի անվտանգության միջավայրը»:

Մեկ այլ սցենարում՝ «Արևմուտքն ընդդեմ Արևելքի», ներկայացվում է, որ Արևելյան Եվրոպայի մի խումբ պետություններ դադարեցնում են եվրաինտեգրումը, մինչդեռ մյուսներն էլ միանում են Արևելյան դաշինքին:

Իսկ «Բազմաբևեռ մրցակցության» սցենարը բնութագրվում է ծայրահեղականության աճով և ԵՄ-ի մի քանի գործընկերներ գնում են դեպի ռուսական քաղաքական մոդել:

Փաստաթուղթը չի առանձնացնում սցենարներից որևէ մեկը, այլ պարզապես նշում է, որ բոլոր սցենարները, որոնք մշակվել են Գերմանիայի Դաշնային Հանրապետության Զինված ուժերի պլանավորման գրասենյակի հետազոտողների կողմից, «հավանական են 2040թ.-ին»,- ասվում է հոդվածում: