Անթույլատերլի է նման անփութությունը

Վախթանգ

Ես, օրինակ, կողմ եմ, որպեսզի հանրապետության նախագահի, վարչապետի և Ազգային Ժողովի նախագահի արարողակարգային ծախսերն այսուհետ համարվեն պետական գաղտնիք, և գնումներն էլ կիրականացվեն փակ ընթացակարգով:

Այլապես ի՞նչ կստացվի…

Կստացվի, որ նախապես կամ ընթացքում հայտարարվում է, օրինակ, որ ՀՀ-ն ներկայացնող այդ պաշտոնյաները ճաշում են այսինչ կամ այնինչ երևանյան ռեստորանում, ինչը բավարար է, որպեսզի «գործակալ 007»-ը հայտնվի այնտեղ, և մեր հանրապետության ղեկավարները միասին կամ առանձին-առանձին դառնան վերջինիս տեսանկարչական սարքի զոհը («…Զուտ արարողակարգի [ծախսերը]՝ որ ռեստորանում պետք է հաց ուտեն․․․ այդ երեք մարմինների ղեկավարները․․․ կատարվում է փակ» — ԱԺ պատգամավոր Վարդան Այվազյան):

Կարծում եմ, որ Հայաստանի նման գերծանր քաշային կարգի պետության համար անթույլատերլի կլինի նման անփութությունը:

Վախթանգ Սիրադեղյանի գրառումը Facebook-ում