Անվտանգության ապահովման «հայկական տարբերակ»

Preparations ahead of the march for the 25th anniversary of Armenia's Independence took place on Republic Square in Yerevan, Armenia

Այսօր Մոսկվայում ստորագրվել է  ՀՀ և ՌԴ Զինված ուժերի միացյալ զորախմբի վերաբերյալ համաձայնագիրը: Այս մասին հաղորդում է «Տասս» լրաստվական գործակալությունը: Աղբյուրի փոխանցմամբ`փաստաթղթի տակ իրենց ստորագրությունն են դրել Ռուսաստանի ռազմական գերատեսչության ղեկավար Սերգեյ Շոյգուն և Հայաստանի պաշտպանության նախարար Վիգեն Սարգսյանը:

Վիգեն Սարգսյանը նշել է, որ խմբավորման մեջ կմտնեն Հայաստանում տեղակայված 102-րդ ռուսական ռազմաբազան և Հայաստանի զինված ուժերի ստորաբաժանումները:  Նախարարները ստորագրել են նաև 2017թ. համագործակցության ծրագիրը:

ՀՀ պաշտպանություն նախարար Վիգեն Սարգսյանը ռուսաստանյան «Իզվեստիա» պարբերականի հետ հարցազրույցում մինչ այդ նշել էր, որ համատեղ զորախմբի հիմնական նպատակը Հայաստանի և Ռուսաստանի դեմ զինված հարձակման անմիջական նախապատրաստման ժամանակին հայտնաբերումն է և դրա հետ մղումը՝ Հայաստանի և Ռուսաստանի զինված ուժերի և այլ զորքերի միջոցով։

Կողմերի տարածքների կտրվածության և Հայաստանի օպերատիվ-ռազմավարական խնդիրների լուծման ծավալներով պայմանավորված՝ ըստ Վիգեն Սարգսյանի՝ շատ կարևոր է, որ զորախումբը տեղակայված է հենց Հայաստանի տարածքում և որ խաղաղ ժամանակ դրա հրամանատարությունը կրճատված կազմով գործում է ՀՀ ԶՈւ գլխավոր շտաբի կազմում։

Փաստը Profil.am-ի համար մեկնաբանել է «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը:

«Ռուսաստանի ազդեցության ընդլայնման տեսանկյունից այս քայլը ոչինչ չի փոխի:

Իրականում միացյալ զորախմբը գոյություն ունի արդեն տևական ժամանակ: Դրա ձևավորման գործընթացը սկսվել է 1990-ական թթ. Կեսերից, և այն մշտապես գործել է: Այժմ պարզապես տեղի է ունեղել գործընթացի կանոնակարգում: Սա ավելի շատ ունի սիմվոլիկ նշանակություն: Փաստ է, որ այս հարցը արծարծվում է ոչ միայն Հայաստանում, այլ քննարկվում է հարևան Ադրբեջանում, Արևմուտքում, հենց Ռուսաստանում:  Սա Հայաստանի անվտանգության ապահովման ձևաչափերից մեկն է:

Ռուսաստանի հետ համագործակցությունը, առհասարակ, այսպես ասած անվտանգության ապահովման «հայկական տարբերակն» է: Այն ինչ Ադրբեջանը ձեռք է բերևում կանխիկ գումարով, մենք ստանում ենք Ռուսաստանի հետ համագործակցություն ձևաչափի շրջանակներում: Դա, օրինակ` ցածր գներով զենքի և զինամթերքի ձեռբերումն է, սպայական անձնակազմի ուսուցումը, համագործակցություն որոշակի ֆինանսական ձևաչափերը: Բացի դրանից`հայ-թուրքական սահմանին տեղակայված են ռուս սահմանապահները և հայկական կողմը հնարավորություն ունի իր ռեսուրսները օգտագործել այլ ուղղություններով:

Այն, որ Ռուսական զորախումբը ապահովում է ոչ միայն հայ-թուրքական սահմանի, այլև ՀՀ անվտանգություն առհասարակ, արծարծվել է դեռևս Ռուսական ռազմաբազայի տեղակայման վերաբերյալ համաձայնագրի երակարաձգման ժամանակ: Բոլորովին այլ հարցը, որ դա չի վերաբերում Լեռնային Ղարաբաղին: Դա վերաբեդրում է միայն Հայաստանի Հանրապետությանը:

Ռուսական կողմը, խոշոր հաշվով գնում է դրան, ոչ այդքան իր վարկանիշի բարձրացման, որքան  վերջին շրջանում փոքր-ինչ շեղված հավասարակշռության վերականգնման համար: Նոր պատերազմը պետք չէ ոչ ոքին, այդ թվում նաև` ռուսական կողմին:

Նրանց  «աշխատանքի մեթոդները» տարբերվում են Արևմուտքի գործելաոճից: Մոսկվան սովորաբար աշխատում է  իշխանությունների հետ և հասարակություն հետ աշխատանքը, այսպես կոչված` «փափուկ ուժը» մեղմ ասած իրենց ուժեղ կողմը չեն»:

Հիշեցնենք, որ նոյեմբերի 12-ին Ռուսաստանի նախագահ Վլադիմիր Պուտինը հավանություն էր տվել Հայաստանի հետ միացյալ զորախումբ ստեղծելու վերաբերյալ Ռուսաստանի կառավարության` դեռևս նոյեմբերի 3-ին արված առաջարկին և հանձնարարել է ստորագրել այն: Փաստաթղթերը հրապարակվել էին Ռուսաստանի կառավարության իրավական տեղեկատվության կայքում: