100 օր ԱՄՆ ընտրություններից հետո

Ինչպիսի՞ն կլինեին ԱՄՆ նախագահի ընտրություններին հաջորդած 100 օրերը, եթե ընտրությունների ժամանակ հաղթեր Հիլարի Քլինթոնը կամ Դոնալդ Թրամփը: BBC գործակալության ռուսալեզու ծառայությունը փորձել է համադրել իրական ներկան և մտացածին ապագան:

Հորինված յուրաքանչյուր դրվագում կա կատակ մաս, իսկ յուրաքանչյուր կատակի մեջ` ճշմարտության բաժին:

Ինչ կլինի, եթե ընտրություններում հաղթի Դոնալ Թրամփը

Ընտրություններից 100 օր անց ամերիկյան թերթը կտպագրվեն նախագահի համար ծայրահեղ վիրավորական վերնագրերով` «Խառնակչության հարյուր օրը», «Իսկ թագավորը մերկ է», «Ոսկեզօծ դատարկաբանը» և այլն:

Չնայած դրան` նրա կողմնակիցներն առաջվա պես հույս ունեն, որ իր խոստումներից մի քանիսը դեռ կպահի:

ԱՄՆ-ի 45-րդ նախագահի երդման արարողությունն անցել է նրա կողմնակիցների հիացական վանկարկումների և հակառակորդների դժգոհ բղավոցների միաժամանակյա ուղեկցությամբ:

Անվտանգության մռայլ աշխատակիցները խիտ պատով շրջապատել են նախագահ Թրամպին և նրա տիկնոջը` պատրաստ լինելով անգամ գնդակ ընդունելու: Հուրախություն բոլորի`միջադեպեր տեղի չունեցան:

Իր ողջույնի խոսքում Թրամփը հերթական անգամ կրկնեց նխընտրական խոստումները` «Դուք ճիշտ ընտրություն եք կատարել: Դուք ինձ նախագահ եք դարձրել, իսկ ես Ամերիկան կրկին զորեղ կդարձնեմ: Ես ֆանտաստիկ հաջող բիզնես եմ կառուցել, և դուք բոլորդ իմ օրոք ֆանտաստիկ հաջողակ կլինեք: Ես հանճարեղ քարոզարշավ եմ անցկացրել, ավելի լավ, քան Լինկոլնը, ավելի լավ, քան երբևէ: Հաղթանակը սկսվում է այսօրվանից»:

Օբաման և սենատորների պատշաճ հատվածը, որին Թրամփը այս կամ այն կերպ նախկինում վիրավորել էր, թթվադեմ կծափահարեն:

Կարծեք, նոր նախագահը միայն ընտրություններից հետո զարմանքով իմացավ, որ բացարձակ միապետ չի և որ նա ստիպված է իր քայլերի համար մշտապես հաշվետվություն տալ կոնգրեսի և Բարձրագույն դատարանի առջև:

Մահմեդականների մուտքը ԱՄՆ ամբողջապես արգելող օրինագծի անցկացման հենց առաջին փորձից անմիջապես հետո բանակը կանգնել է ապստամբության շեմին:

Բանակում ներկայումս ծառայող ավելի քան հինգ հազար մահմեդական հրաժարվեցին Թրամփին ճանաչել որպես իրենց գերագույն գլխավոր հրամանատար: Նրանց միացան նաև մի քանի ստորաբաժանումներ, որոնք անցել են Իրաքի և Աֆղանստանի պատերազմների միջով:

ՀԴԲ-ն, որի տնօրենը չնայած շատ բան է արել, որ Թրամփը դառնա նախագահ, զգուշավոր հաղորդագրություն է տարածել, որ բոլոր մահմեդականներին նա ի վիճակի չէ բռնել` նույնիսկ, եթե հանգիստ թողնեն սերիական մարդասպաններին, նարկոդիլերներին և մար ավազակներին:

Սահմանային վերահսկողության ծառայության աշխատակիցները օդանավակայաններում դուրս են եկել ցուցադրական ուրբաթօրյա աղոթքի: Աշխարհի բոլոր թերթերում տարածվել է աղոթքի գորգի վրա ծնկի եկած սահմանապահի լուսանկարը:

Թրամփը փորձեց իբր իշխանության չարաշահման համար բանտ նստեցնել Հիլարի Քլինթոնին և դատի տալ բոլոր այն կանանց, ովքեր իրեն մեղադրում են սեռական բնույթի ոտնձգություններ կատարելու մեջ:

Արդյունքում բոլոր կանայք, ում նկատմամբ Թրամփն իր բեղմնավոր կյանքի ընթացքում այս կամ այնձ ձևով ոտնձգություններ է կատարել, իրենց կապել են նախագահի նստավայրի ճաղերին:

Նրանց կողքին են կանգնել նաև «Միս Ամերիկան» և «Միս Տիեզերքը»: Աղջիկները կրում էին բիկինի, իսկ նրանց պատսպարում էին կամավորականները, որոնք կրում էին մեծ ցուցապաստառ` «Ամեն ինչ կա, բայց քեզ բաժին չկա» գրությամբ:

Հիլարի Քլինթոնի ռեյտինգը բարձրացել է: Կապիտոլիումում սկսել են խոսել իմփիչմենթի մասին և որ փոխնախագահը շատ էլ լավն է:

Մեքսիկայի խորհրդարանը ի պատասխան երկրների սահմանին պատնեշի կառուցման ֆինանսավորման առաջարկի` ուղարկել պաշտոնական հաղորդագրություն` հսկայական երեք մատի կոմբինացիայի տեսքով:

Լատինական Ամերիկայից եկած  ոչ լեգալ միգրանտները գործադուլ են հայտարարել: Անսպասելիորեն պարզվել է, որ աղբը հավաքելու, փողոցները մաքրելու, արագ սննդի բազմաթիվ ռեստորաններում աշխատելու համար ոչ ոք չկա:

Նոր նախագահը ներկայացրել է կորպորատիվ հարկը 35%_ից 15% իջեցնելու առաջարկ և հայտարարել է, որ կզբաղվի առևտրային հաշվեկշռի դեֆիցիտի կրճատմամբ: Տնօրենների խորհուրդներում ուրախությամբ միմյանց են նայում:

Կողմնակիցների առջև հանդես գալիս Թրամփը Մեքսիկային և Չինաստանին մեղադրեց անարդար առևտրի, արժութային մեքենայությունների և ինտելեկտուալ սեփականության գողության մեջ` հայտարարելով, որ եթե նրանք չփոխեն իրենց մոտեցումները, ամերիկյան գաջեթները, հագուստները և սպորտային կոշիկները կարտադրեն միայն ԱՄՆ-ում: Տնօրենների խորհուրդներում անհանգիստ շուռումուռ եկան:

Ամեն առավոտ Թրամփին առավոտյան սուրճի հետ մատուցում են Ռուսաստանի նախագահից ստացված հերթական հաղորդագրությունը:

«Ամուր կաց, եղբայր», — ասվում է հաղորդագրություններում, — «Ցույց տուր նրանց, թե որտեղ է հինգերորդ անկյունը», «Ես և դու մի ընտանիք ենք», «Հայտարարիր, որ կոնգրեսն անօրինական է», — նման բազմաթիվ օգտակար խորհուրդներ են տրված այդ հաղորդագրություններում:

Թրամփը բողոքում էր ԱՄՆ-ում խոսքի ազատության բացակայությունից և առաջվա պես կոչ էր անում իր կողմնակիցներին չհանձնվել և դիմանալ մինչև վերջ:

Վերջիվերջո օգնականներին հաջողվեց համոզել Թրամփին, որ առավել զվարճալի է հյուր եկած առաջնորդների պատվին համերգներ և ընթրիքներ կազմակերպելը, բիզնեսում սեփական հաջողություններն աջուձախ գովերգելը, ինչպես նաև` սեփական բազմաթիվ երեխաներին թաքուն օգնելը, քան այնպիսի ձանձրալի և անշնորհակալ խնդիրների մեջ թաթախվելը, ինչպիսիք են ֆինանսները, կրթությունը, առողջապահությունը և քաղաքականությունը:

Թրամփն ուրախությամբ կառչեց այդ հնարավորությունից և փորձեց համոզել իր առավել համառ կողմնակիցներին, Ամերիկան զորեղ կդառնա, եթե այն ունենա զորեղ նախագահ, և քանի որ ինքը` Թրամփը, արդեն իսկ զորեղ է, ուրեմն և Ամերիկան զորեղ է ու աչքի ընկնել այլևս պետք չէ:

Թրամփի ընտրվելուց հետո ակցիաները սկզբում ընկել են, իսկ հետո կրկին վերադարձել են նախկին մակարդակին:

Ինչ կլինի, եթե հաղթի Հիլարի Քլինթոնը

Նախագահ Հիլարի Քլինթոնը, հավանաբար, պատմության մեջ կմտնի որպես ամենաանհաջողակ և ԱՄՆ-ի ամենաոչ հեղինակավոր նախագահ:

Եվ չնայած չգրված օրենքն ասում է, որ յուրաքանչյուր նորընտիր նախագահի նախատեսվում է տրամադրել 100 օր տևողությամբ «մեղրամիս», նրան այդ հնարավորությունը չեն տվել:

Սկսենք նրանից, որ Դոնալդ Թրամփը հաջողակ բիզնեսմեն է, ում հաջողվել է փրայմերիզների ժամանակ անցնել հանրապետական բոլոր թեկնածուներից, և նա պարզապես պարտվել չգիտի:

Անմիջապես ընտությունների արդյունքների հրապարակումից հետո նա հայտարարեց, որ Ամերիկային խափել են, և պահանջեց վերահաշվարկ անցկացնել Օհայոում, Փենսիլվանիայում, Ֆլորիդայում և  Վիջինիայում:

Նրա կողմնակիցները, որոնց աջակցում են Ռուսաստանից իրականացվող հզոր հաքերային հարձակման միջոցով, սկսեցին Wikileaks-ի միջոցով համացանցը ողողել լուսանկարներով և վիդեոներով, որտեղ ընտրական հանձնաժողովների ներկայացուցիչները գաղտնի կերպով քվեաթերթիկների կապոց էին լցոնում քվեատուփեր:

Շուտով հայտնի դարձավ, որ լուսանկարները և վիդեոները կեղծ են, իսկ Կրեմլը կտրականապես հերքեց իրեն ուղղված մեղադրանքները:

Թրամփը կոչ արեց իր էլեկտորատին չճանաչել պարտությունը և «ինչ-որ բան անել այդ կապակցությամբ, դուք գիտեք ինչ»:

Գաղտնի ծառայությունները գլուխներն առան ձեռքերի մեջ` վախենալով, որ ընտրված նախագահը ողջ չի մնա մինչև երդմնակալության արարողությունը:

Թրամփի խորհրդականները փորձեցին բացատրել նրան, որ եթե Քլինթոնի հետ ինչ-որ բան պատահի, ապա նախագահ կդառնա նրա հետ ընտրված փոխնախագահ Թիմ Քեյնը:

Թրամփը կրկին ելույթ ունեցավ` կոչ անելով իր կողմնակիցներին «կրկնապատկել ջանքերը»: Գիտակցելով, որ իրավիճակը դուրս է գալիս վերահսկողությունից, Բարձրագույն դատարանի դատավորները հանդես եկան արտակարգ հայտարարությամբ, որի համար եթերաժամանակ էր գնվել բոլոր հեռուստատեսություններում:

Դանդաղ և հանգիստ ցիտելով 1947թ-ից գործող նախագահի պաշտոնի ժառանգության վերաբերյալ Սահմանադրության և օրենսդրության նորմերը, նրանք բացատրեցին, որ պարտություն կրած նախագահի թեկնածուն ոչ մի կերպ և ոչ մի պայմանով չի կարողանա դառնալ նախագահ:

Քանի որ գոյություն ունի «գահաժառանգության» հստակ կարգ` այն փոխանցվում է սկսած փոխնախագահից, վերջացրած` ազգային անվտանգության քարտուղարով, որը ցուցակում 17-րդն է:

Թրամփի կողմնակիցները հայտարարեցին, որ իրենց թեկնածուն Սպիտակ տուն չի կարող գալ նույնիսկ բազմաթիվ զոհերի գնով, և ճանաչեցին պարտությունը:

ԱՄՆ-ի առաջին կին նախագահի երդմնակալության արարողությանը նախագահի ամուսինն անընդհատ ժպտում էր և սովորության համաձայն, խախտելով ընթացակարգը, փորձում էր ինքը կատարել երդումը:

Երդմնակալությունից հետո մի քանի վայրկյանով տեսադաշտում կրկին երևաց Թրամփը, ով փորձեց ինչ-որ բան ասել իմփիչմենթի մասին:

Սակայն նրան արագորեն բացատրեցին, որ իմփիչմենթը հնարավոր է միայն այն դեպքում, եթե նախագահն ինչ-որ բան է արել` գտնվելով նախագահի պաշտոնում, սակայն բոլոր «մեղքերը» Քլինթոնը կատարել է նախկինում, հետևաբար` նրան պետք է հանգիստ թողնել:

Թրամփը վիրավորված լռեց և նոր հեռուստաալիք բացեց:

Հանրապետականները սենատում և կոնգրեսում, աշխարհին ցուցադերլով նեղացած և տխուր դեմքերը, միմյանց թաքուն շնորհավորեցին կին-նախագահ ունենալու կապակցությամբ. Նրանք ստացան ևս չորս տարի ժամանակ, որպեսզի ոչինչ չփոխեն և հանգիստ, առանց շտապելու արգելափակեն նրա ցանկացած նախաձեռնություն:

ԱՄՆ-ի ոչ բարեկամ երկրները թեթևակիորեն լարվեցին` հիշելով, որ պետքարտուղար եղած տարիներին Քլինթոնն ուներ «Ճուռակի» հեղինակություն: Խուճապահարները պատրաստվեցին Երրորդ համաշխարհային պատերազմին:

Սակայն Քլինթոնն ակնհայտորեն որոշել է հարցերը լուծել կոնգրեսի հետ և փորձել ինչ-որ կերպ միավորել պառակտված երկիրը:

Նա խոստանում է միաժամանակ կրճատել կորպորատիվ հարկը և ավելի շատ միջոցներ ներդնել «մաքուր էներգետիկայում», ավելի շատ միջոցներ ներդնել կրթության ոլորտում և իջեցնել բժշկական ծառայությունների գները:

Նշանակվել է «առևտրային գործարքների մասով հատուկ դատախազ», որը անկախ կուսումնասիրի ԱՄՆ-ի բոլոր առևտրային պայմանագրերը և կպարզի, թե ինչը և որտեղ պետք է շտկել:

Նա առաջարկում է իրականացնել համընդգրկուն միգրացիոն բարեփոխում այնպես, որ համաներման ենթարկվեն արդեն իսկ երկիր ժամանած միգրանտները և դռներն ավելի ամուր փակել նրանց համար, ովքեր դեռ նոր են պատրաստվում ժամանել:

Չնայած տիկին նախագահը նախընտրական քարոզարշավի ժամանակ ատամներ է սրել Պուտինի նկատմամբ, սակայն նա որոշել է ժամանակավորապես չբարձրացնել խաղադրույքները և սահմանափակվել է միայն հայտարարությամբ, որ Ամերիկան նախևառաջ հավատարիմ է մնում իր կողմից ստանձնված բոլոր միջազգային պարտավորություններին, հատկապես` ՆԱՏՕ-ի և կոլեկտիվ անվտանգության  հարցում: Եվ հետո ԱՄՆ-ն չի պատրաստվում վերացնել Ռուսաստանի նկատմամբ պատժամիջոցները:

ԱՄՆ-ում ամենաքննարկվող թեման մնում է այն, թե ինչպես պետք է անվանել ԱՄՆ-ի գործող նախագահի ամուսնուն: Հարցումների արդյունքում պարզվել է, որ ամենամեծ հեղինակությունը վայելում են «Առաջին ամուսին», «Առաջին տղա», և «Քլինթոն-2» տարբերակները:

«Առաջին ջենտլմեն» տարբերակը չի հայտնվել լավագույն եռյակում, քանի որ բոլորն անմիջապես վերհիշել են Մոնիկա Լևինսկիի հետ տեղի ունեցած դեպքերը: